follow us:
తెలుగు ఇండస్ట్రీలో శేఖర్ కమ్ముల దర్శకత్వంలో ‘లైఫ్ ఈజ్ బ్యూటిఫుల్’చిత్రంలో చిన్న పాత్రలో కనిపించిన విజయ్ దేవరకొండ తర్వాత హీరోగా ఎంట్రీ ఇచ్చి ‘అర్జున్ రెడ్డి’,‘గీతా గోవిందం’ లాంటి బ్లాక్ బస్టర్ చిత్రాలలతో యంగ్ సెన్సేషనల్ హీరోగా మారాడు. ఫ్యాన్స్ ముద్దుగా రౌడీ హీరో అని పిలుస్తున్నారు. విజయ్ దేవరకొండ నటించే సినిమాలపై భారీ అంచనాలు నెలకొంటున్నాయి. పెద్ద‌గా హిట్స్ లేక‌పోయిన అత‌నికి ఉన్న క్రేజ్ అంతా ఇంతా కాదు.
ఓ వైపు సినిమాల్లో నటిస్తూనే.. వ్యాపార రంగంలో తన సత్తా చాటుతున్నాడు. ఇప్పటికే దుస్తుల వ్యాపారంలో దూసుకెళ్తున్న విజయ్ తాజాగా థియేటర్ వ్యాపారంలోకి అడుగుపెట్టారు. తెలంగాణలోని మహబూబ్‌నగర్‌లో సకల సౌకర్యాలతో భారీ థియేటర్‌ను ఏవీడీ (ఏషియన్ విజయ్ దేవరకొండ)గా పేరుతో నిర్మించాడు. ఈ థియేటర్‌ను నిన్న ప్రారంభించాడు. అయితే ఈ థియేటర్లో తనకు తొలిసారి తన గురువు సినిమాను ప్రదర్శనకు ఉంచాడు. లైఫ్ ఈజ్ బ్యూటిఫుల్ చిత్రంతో సినిమా అవకాశాలతో గుర్తింపు ఇచ్చిన శేఖర్ కమ్ములకు కృతజ్ఞతగా ఆయన దర్శకత్వంలో వచ్చిన ‘లవ్‌స్టోరీ’ సినిమాను ప్రదర్శించాడు. విజయ్ దేవరకొండ తల్లి మాధవి పుట్టిన రోజు సందర్భంగా ఈ థియేటర్ ని ప్రారంభించారు.
ఈ సందర్భంగా థియేటర్ హాల్‌లో తల్లి మాధవి ఉన్న ఫొటోను పంచుకుంటూ ‘హ్యాపీ బర్త్‌ డే మమ్ములు. ఈ ఏవీడీ (థియేటర్) నీకోసం. మీరు వ్యాయామం చేసి ఆరోగ్యంగా ఉంటే.. నేను మరింత కష్టపడతా. నీకు మరిన్ని జ్ఞాపకాలు ఇస్తా’ అని ట్వీట్‌ చేశాడు. ప్రస్తుతం పూరీ జగన్నాథ్‌ దర్శకత్వంలో రూపొందుతున్న ‘లైగర్‌’ సినిమాలో విజయ్ దేవరకొండ నటిస్తున్నాడు. బాలీవుడ్ బ్యూటీ అనన్య పాండే హీరోయిన్ గా నటిస్తుంది. మల్టీప్లెక్స్‌ను విజయ్ దేవరకొండ నాన్న గోవర్ధన్ దేవరకొండతో పాటు ఏషియన్ మల్టీప్లెక్స్ అధినేత నారాయణ దాస్ నారంగ్‌తో పాటు భరత్ నారంగ్, ఏషియన్ సునీల్, దిల్ రాజు సోదరుడు శిరీష్ ఈ మల్టీప్లెక్స్‌ను ప్రారంభించారు. ‘లైగర్‌’ సినిమా షూటింగ్‌ గోవాలో జరుగుతోంది. ఈ నేపథ్యంలోనే థియేటర్ ప్రారంభానికి విజయ్ అందుబాటులో లేడు.
Happy Birthday mummuluu ❤️
This one is for you! #AVDIf you workout and stay healthy, I will work harder and give you more memories 😘🤗 pic.twitter.com/edGhLLnGn0
— Vijay Deverakonda (@TheDeverakonda) September 24, 2021
