సమంతపై విజయ్ దేవరకొండ ట్వీట్! ఇంతకీ ఏమన్నాడంటే..

సాధారణంగా సోషల్ మీడియాలో సినీతారలపై అభిమానులు ప్రేమను చాటుకోవడం చూస్తుంటాం. కానీ.. అప్పుడప్పుడు సెలబ్రిటీలు కూడా తమ ఫేవరేట్ హీరోహీరోయిన్స్ పై అభిమానాన్ని బయటపెడుతుంటారు. తాజాగా రౌడీ హీరో విజయ్ దేవరకొండ.. స్టార్ హీరోయిన్ సమంతపై తన ప్రేమను వెలిబుచ్చాడు. సమంత నటించిన కొత్త సినిమా ‘యశోద’ ట్రైలర్ ని ట్విట్టర్ లో రిలీజ్ చేస్తూ.. విజయ్ చేసిన కామెంట్స్ ప్రస్తుతం సోషల్ మీడియాలో చర్చనీయాంశంగా మారాయి. పాన్ ఇండియా స్థాయిలో రిలీజ్ అవుతున్న యశోద మూవీ ట్రైలర్ ని ఒక్కో భాషలో ఒక్కో స్టార్ హీరో రిలీజ్ చేయడం విశేషం.

తెలుగు విషయానికి వచ్చేసరికి విజయ్ దేవరకొండ యశోద ట్రైలర్ ని రిలీజ్ చేశాడు. ఈ క్రమంలో సమంతను ఉద్దేశిస్తూ.. ఆమెపై ఉన్న అభిమానాన్ని ట్వీట్ లో పేర్కొన్నాడు. “కాలేజీ స్టూడెంట్ గా ఉన్నప్పుడు సమంతను మొదటిసారి హీరోయిన్ గా థియేటర్ లో చూసి అప్పుడే లవ్ లో పడిపోయాను. ఇప్పుడు నటిగా ఆమె చేస్తున్న ప్రతి విషయాన్నీ నేను అభినందిస్తున్నాను.. ఆరాధిస్తున్నాను” అంటూ యశోద టీమ్ కి బెస్ట్ విషెస్ తెలిపాడు. ఇక విజయ్ దేవరకొండ సమంతతో కలిసి ఇదివరకే మహానటి సినిమాలో నటించాడు. ఇప్పుడు వీరిద్దరూ జంటగా ఖుషి సినిమా చేస్తున్నారు.

ఇక యశోద సినిమా అద్దె గర్భం(సరోగసి) బ్యాక్ డ్రాప్ లో తెరకెక్కినట్లు ట్రైలర్ చూస్తే అర్థమవుతోంది. దర్శకద్వయం హరి – హరీష్ రూపొందించిన ఈ ఇంటెన్స్ యాక్షన్ డ్రామా నవంబర్ 11న రిలీజ్ కాబోతుంది. ఇదిలా ఉండగా.. యశోద ట్రైలర్ ని తమిళంలో సూర్య, కన్నడలో రక్షిత్ శెట్టి, మలయాళంలో దుల్కర్ సల్మాన్, హిందీలో వరుణ్ ధావన్ రిలీజ్ చేశారు. మరి 2020లో జాను మూవీ తర్వాత సమంత నుండి స్ట్రయిట్ తెలుగు మూవీ రాలేదు. ఆ తర్వాత పుష్పలో ఐటమ్ సాంగ్ చేసిన సంగతి తెలిసిందే. ఇప్పుడు పాన్ ఇండియా మూవీతో హిట్ అందుకుంటుందేమో చూడాలి!

Was in love with her, when as a college kid I saw her on the big screen for the first time. Today I admire and adore her for everything she is ❤️

So very happy to share with you all @Samanthaprabhu2‘s new film #YashodaTrailer ▶️ https://t.co/uT9gyBAj62

In theatres 11-11-2022 pic.twitter.com/KcYMnvj8sf

— Vijay Deverakonda (@TheDeverakonda) October 27, 2022