ఇండస్ట్రీలో విషాదం.. ప్రముఖ నటుడు కన్నుమూత!

గత కొన్ని రోజులుగా సినీ ఇండస్ట్రీలో వరుస విషాదాలు చోటు చేసుకుంటున్నాయి. తాజాగా యాక్షన్​ కింగ్​ అర్జున్​ సర్జా మావయ్య, ప్రముఖ నటుడు కళాతపస్వి రాజేశ్​(89) కన్నుమూశారు. కొంతకాలంగా శ్వాసకోస సంబంధిత సమస్యలతో బాధ పడుతున్న ఆయను ఫిబ్రవరి 9న బెంగుళూరులోని ప్రైవేట్ హాస్పిటల్ లో జాయిన్ చేశారు. కొన్నిరోజుల పాటు ట్రీట్మెంట్ అందించారు. ఆయన శరీరం ట్రీట్మెంట్ కి స్పందించకపోవడంతో ఈరోజు కన్నుమూశారు.

ఏప్రిల్ 15, 1932లో జన్మించిన రాజేష్ అసలు పేరు ముని చౌడప్ప. స్టేజ్ షోల్లో నటించే సమయంలో అతడి పేరుని విద్యాసాగర్ గా మార్చుకున్నారు. ఇండస్ట్రీకి ఎంట్రీ ఇచ్చిన తర్వాత తన స్క్రీన్ నేమ్ ను రాజేష్ గా పెట్టుకున్నారు. 1960లో నటుడిగా కెరీర్ మొదలుపెట్టిన ఆయన ‘కళాతపస్వి’ అనే బిరుదుని సంపాదించుకున్నారు. 150  సినిమాలలో నటించారు. ఆయన మొదటి సినిమా వీర సంకల్ప 1964లో విడుదలైంది.

నటుడు రాజేష్ కు ఐదుగురు సంతానం. వారిలో ఒకరైన ఆశారాణి సినిమా నిర్మాత. ఆమెను యాక్షన్ కింగ్ అర్జున్ 1988లో వివాహం చేసుకున్నారు. రాజేష్ అంత్యక్రియలు బెంగళూరులోని విద్యారణ్యపుర నివాసంలో సాయంత్రం 6 గంటలకు నిర్వహించనున్నట్లు ఆయన కుటుంబసభ్యులు తెలిపారు. రాజేష్ మృతిపట్ల కన్నడ సినీరంగం సంతాపం వ్యక్తం చేసింది. పలువురు సినీప్రముఖులు నివాళులు అర్పిస్తున్నారు.