పుట్టబోయే బిడ్డ గురించి ఉపాసన పోస్ట్.. ట్వీట్ వైరల్!

మెగాపవర్ స్టార్ రామ్ చరణ్-ఉపాసన త్వరలో తల్లిదండ్రులు కాబోతున్నారు. ఈ విషయాన్ని చాలారోజుల క్రితమే మెగాస్టార్ చిరంజీవి అధికారికంగా ప్రకటించారు. అప్పటినుంచి మెగాఫ్యాన్స్ ఫుల్ ఆనందంగా ఉన్నారు. ఈ హ్యాపీలో ఉండగానే.. తాజగా ఆర్ఆర్ఆర్ సినిమాకు గోల్డెన్ గ్లోబ్ అవార్డు వచ్చిందనే న్యూస్ తెలిసి ఇంకా ఖుషీ అయిపోతున్నారు. ఇక మన తెలుగు మూవీకి ఇంటర్నేషనల్ లెవల్లో దక్కుతున్న క్రేజ్ చూసి ప్రతి ఒక్కరూ గర్వపడుతున్నారు. ఇలా అందరూ అవార్డు గురించి మురిసిపోతుంటే.. మెగాకోడలు ఉపాసన తనకు పుట్టబోయే బిడ్డ గురించి ట్వీట్ చేసింది. ప్రస్తుతం ఇది కాస్త సోషల్ మీడియాలో వైరల్ గా మారింది.

ఇక వివరాల్లోకి వెళ్తే.. స్టార్ డైరెక్టర్ రాజమౌళి తీసిన ‘ఆర్ఆర్ఆర్’ రిలీజై 10 నెలలు పైనే అయిపోయింది. కానీ ఇప్పటికీ ప్రభంజనం సృష్టిస్తూనే ఉంది. రూ.400 కోట్లతో తీసిన ఈ మూవీ వరల్డ్ వైడ్ రూ.1200 కోట్లకు పైగా వసూళ్లు సాధించింది. మనవాళ్లే కాకుండా విదేశీయులు సైతం ఈ చిత్రానికి ఫిదా అవుతున్నారు. తాజాగా అమెరికా లాస్ ఏంజిల్స్ లో జరిగిన 80వ గోల్డెన్ గ్లోబ్ అవార్డుల వేడుకలో బెస్ట్ ఒరిజినల్ సాంగ్.. నాన్ ఇంగ్లీష్ కేటగిరీలో ఈ మూవీలోని నాటు నాటు సాంగ్ అవార్డు గెలుచుకుంది. దీన్ని మ్యూజిక్ డైరెక్టర్ కీరవాణి అందుకున్నారు. ఈ వేడుకకు ‘ఆర్ఆర్ఆర్’ టీమ్ లోని రాజమౌళి, కీరవాణితో పాటు ఎన్టీఆర్, రామ్ చరణ్ సతీసమేతంగా వెళ్లారు. అందుకు సంబంధించిన ఫొటోల్ని షేర్ చేసిన ప్రతి ఒక్కరూ ఎమోషనల్ అయ్యారు. ఇక ఉపాసన పెట్టిన పోస్ట్ అయితే మెగా ఫ్యాన్స్ కి హ్యాపీనెస్ ఇచ్చింది.

‘ఆర్ఆర్ఆర్ కుటుంబంలో భాగమైనందుకు చాలా గౌరవంగా ఉంది. మన సినిమాకు సగర్వంగా ప్రాతినిధ్యం వహిస్తూ విజయం సాధించారు. ఈ ప్రయాణంలో నాతో పాటు నా బిడ్డ కూడా ఈ గౌరవం పొందడం చాలా సంతోషంగా ఉంది. నేను చాలా భావోద్వేగానికి లోనయ్యాను. ఉక్రెయిన్ షెడ్యుల్ షూటింగ్ టైంలో చాలా ఇబ్బందులు ఎదుర్కొన్న మేకర్స్ కి ఇది గెలుపు. ఈ ప్రయాణంలో నన్ను భాగం చేసినందుకు మిస్టర్ సి, రాజమౌళి గారికి థ్యాంక్స్. ఉక్రెయిన్ లో షూటింగ్ నుంచి గోల్డెన్ గ్లోబ్ అవార్డుల వరకు మీరు నాకు చాలా నేర్పించారు. ఆలోచనలో స్పష్టత, కృషి, పట్టుదల ప్రతిఫలాన్ని ఇస్తాయి’ అని ఉపాసన తన ట్వీట్ లో రాసుకొచ్చారు. 2012లో పెళ్లి చేసుకున్న రామ్ చరణ్-ఉపాసన దంపతులు తల్లిదండ్రులు కాబోతున్నారనే విషయాన్ని మెగాస్టార్ చిరంజీవి గతేడాది డిసెంబరులో అనౌన్స్ చేశారు. మరి ఉపాసన పెట్టిన ట్వీట్ పై మీ అభిప్రాయాన్ని కింద కామెంట్స్ లో పోస్ట్ చేయండి.

Such an honour to be a part of the #RRR family.
Proudly winning for Indian Cinema #jaihind

Thank u @AlwaysRamCharan & @ssrajamouli Garu for making me part of this journey.

I’m sooo happy my baby can experience this along with me 🤗❤️
I’m soooooo emotional 🥹 @rrrmovie pic.twitter.com/ng6IXeULBY

— Upasana Konidela (@upasanakonidela) January 11, 2023