follow us:
మహిళలపై జరుగుతున్న నేరాలకు అడ్డఅదుపు లేకుండా పోతుంది. ప్రతి నిత్యం ఏదో ఓ చోట మహిళలు వేధింపులకు గురవుతూనే ఉన్నారు. ప్రభుత్వాలు ఎన్ని కఠిన చట్టాలు తెచ్చినా.. మృగాళ్ల వైఖరిలో ఏ మాత్రం మార్పు రావడం లేదు. నిత్యం ఏదో ఓ చోట మహిళలపై అఘాయిత్యాలకు పాల్పడటం, వేదించడం, బెదిరించడం చేస్తూనే ఉన్నారు. తాజాగా ఈ కోవకు చెందిన సంఘటన ఒకటి దేశ వాణిజ్య రాజధాని ముంబైలో చోటు చేసుకుంది. కారులో ఉన్న నటిని.. ఓ వ్యక్తి అత్యాచారం చేస్తానని బెదిరించాడు. ఆ వివరాలు..
ఇది కూడా చదవండి: Mahesh Babu: సర్కారు వారి పాట ప్రీరిలీజ్‌ వేడుక.. అన్నయ్యను తలుచుకుని మహేష్‌ బాబు ఎమోషనల్‌!
ప్రముఖ హిందీ సీరియల్‌ నటి మహి విజ్‌కు ఈ చేదు అనుభవం ఎదురయ్యింది. మే 7వ తేదీని మహి ప్రయాణిస్తున్న కారును ఓ అపరిచిత వ్యక్తి తన కారుతో ఢీకొట్టాడు. ఆ తర్వాత అతడు కారు దిగి దుర్భాషలాడుతూ.. మహిపై అత్యాచారం చేస్తానంటూ బెదిరింపులకు పాల్పడ్డాడు. అయితే ఆ సమయంలో మహి తన కూతురు తారాతో కలిసి కారులో ఉంది. వెంటనే నటి దీని గురించి పోలీసులకు ఫిర్యాదు చేసింది. అపరిచిత వ్యక్తి కారు నంబర్ ప్లేట్‌తో ఒక వీడియోను సోషల్ మీడియాలో షేర్ చేసింది. ‘‘ఈ వ్యక్తి నా కారును ఢీ కొట్టాడు. తనను అత్యాచారం చేస్తానంటూ బెదిరింపులకు దిగాడు. అతని భార్య దూకుడుగా ఉంది.. ఆమె తన భర్తతో ఈమెను వదిలేయ్ అంటూ చెబుతోంది’’ అంటూ వీడియోను షేర్ చేసింది. ముంబై పోలీసులకు ట్యాగ్ చేస్తూ.. ఈ వ్యక్తి ఎవరో కనుక్కొని తనకు సాయం చేయాలంటూ పోలీసులను ట్వీట్ ద్వారా కోరింది.
ఇది కూడా చదవండి: Indore Fire Accident: ఇండోర్ ఏడుగురు సజీవ దహనం ఘటనలో ట్విస్ట్.. ప్రేమను నిరాకరించినందుకు నిప్పుపెట్టాడు!
This person banged my car got abusive and gave me rape threats his wife got aggressive and said chod de isko @MumbaiPolice help me find this guy who is threat to us pic.twitter.com/XtQbt1rFbd
— Mahhi vij (@VijMahhi) May 7, 2022
అయితే మహి చేసిన పోస్టుపై ముంబై పోలీసులు వెంటనే స్పందించారు. “దయచేసి సమీపంలోని పోలీస్ స్టేషన్కు వెళ్లి మీ ఫిర్యాదును నమోదు చేయండి” అని చెప్పారు. దీంతో మహి పోలీసులు ఇచ్చిన సూచన మేరకు దగ్గర్లో ఉన్న వర్లీ స్టేషన్కు వెళ్లినట్లు తెలిపింది. అక్కడున్న పోలీసులు తనకు సాయం చేస్తానని చెప్పారని ఆమె మరో ట్వీట్ చేసింది. మహి విజ్‌ చేసిన ట్వీట్‌పై పలువురు నెటిజనులు కూడా స్పందిస్తున్నారు. ‘‘భగవంతుడా.. మన చుట్టూ ఏం జరుగుతుంది. మనం ఎక్కడ ఉన్నాం. ఇలాంటివి సహించకూడదు. ఈ విషయాన్ని సీరియస్‌గా తీసుకుని ఉన్నతాధికారుల దృష్టికి తీసుకువెళ్లాలి. నిజంగా ఇది చాలా భయానకం’’ అంటూ ఓ నెటిజన్ పోస్టు పెట్టింది. ఆ పోస్టుకు కూడా మహి రిప్లై ఇచ్చింది. అవును నిజమే.. ఆ సమయంలో నాతో పాటు నా కూతురు కూడా చాలా భయపడిపోయింది అంటూ మహి రిప్లై ఇచ్చింది. ఈ సంఘటనపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: Punch Prasad: జబర్ధస్త్‌ ప్రసాద్‌కు కిడ్నీ ప్రాబ్లమ్‌.. కిడ్నీ ఇస్తానన్న అభిమాని..
