ఫిఫా వరల్డ్‌ కప్‌ను ‘‘బిగిల్‌’’తో పోల్చిన హీరోయిన్‌.. విరుచుకుపడుతున్న ట్రోలర్స్‌!

ప్రపంచ వ్యాప్తంగా ఫుట్‌బాల్‌ ఆటకు ఉన్న క్రేజ్‌ గురించి ప్రత్యేకంగా చెప్పనక్కర్లేదు. ఆదివారం ఖతర్‌లో జరిగిన ఫిఫా వరల్డ్‌ కప్‌ 2022 ఫైనల్‌ మ్యాచ్‌ను చూడటానికి కొన్ని కోట్ల మంది టీవీలకు అతుక్కుపోయారు. ఖతర్‌లోని లుసైల్‌లో ఫ్రాన్స్‌-అర్జెంటీనా దేశాల మధ్య జరిగిన ఫైనల్‌ మ్యాచ్‌లో అర్జెంటీనా గెలుపొందింది. ఎంతో రసవత్తరంగా సాగిన ఈ పోరులో అర్జెంటీనా 4-2 తో ఫ్రాన్స్‌ను ఓడించింది. అర్జెంటీనా విజయం సాధించటంతో ప్రపంచ వ్యాప్తంగా ఉన్న సగటు ఫుట్‌బాల్‌ అభిమాని సంతోషం వ్యక్తం చేశాడు. ఈ నేపథ్యంలోనే ప్రముఖ హీరోయిన్‌ వర్ష బొల్లమ్మ కూడా ఈ మ్యాచ్‌పై స్పందించారు.

ఆమె తన ట్విటర్‌ ఖాతా ద్వారా ఈ మేరకు ఓ పోస్ట్‌ పెట్టారు .. ‘‘ బిగిల్‌ గుర్తుకు వస్తోంది’’ అని రాసుకొచ్చారు. ఫిఫావరల్డ్‌కప్‌ అనే హ్యాష్‌ ట్యాగును సైతం జతచేశారు. ఆమె చేసిన ఈ కామెంట్‌ తక్కువ సమయంలోనే వైరల్‌గా మారింది. ఫిఫా ఫైనల్‌ను బిగిల్‌తో పోల్చటంపై కొందరు నెటిజన్లు ఆగ్రహం వ్యక్తం చేస్తూ ఉన్నారు. ‘‘ హీరో విజయ్‌.. మెస్సీ, రొనాల్డో కంటే పెద్దోడు. మీమ్స్‌ గుర్తుకు వస్తున్నాయి’’.. ‘‘ బిగిల్‌ అనేది ఫుట్‌బాల్‌ చరిత్రలో జరిగిన దారుణమైన విషయం’’.. ‘‘మీరు నిజంగా ఫిఫా వరల్డ్‌ కప్‌ ఫైనల్‌ను బిగిల్‌తో పోలుస్తున్నారా? సీరియస్‌గానే..’’ ‘‘వర్ష బొల్లమ్మ నువ్వు ఈ ట్వీట్‌ పెట్టకుండా ఉండాల్సింది’’ అంటూ కామెంట్లు చేస్తున్నారు.

కాగా, వర్ష బొల్లమ్మ ట్వీట్‌ కంటే ముందు ఓ ఫొటో వైరల్‌గా మారింది. అందులో మెస్సీ బిగిల్‌ సినిమా చూసి, స్పూర్తి పొందినట్లుగా ఉంది. ‘‘ మ్యాచ్‌ మొదలవ్వటానికి ముందు బిగిల్‌ సినిమా చూశాను. ఈ వరల్డ్‌ కప్‌ గెలవటానికి అది నాకు చాలా ఉపయోగపడింది’’ అని ఉంది. అయితే, ఇది విజయ్‌ యాంటీ ఫ్యాన్స్‌ తయారు చేసినట్లుగా తెలుస్తోంది. ఈ ఫొటోపై కూడా చాలా ట్రోల్స్‌ వచ్చాయి. ఇలాంటి నేపథ్యంలోనే వర్ష ఈ ట్వీట్‌ చేయటం మరింత నెగిటివ్‌గా మారింది. మరి, ఫిఫా వరల్డ్‌ కప్‌ను బిగిల్‌ సినిమాతో పోల్చిన వర్ష బొల్లమ్మపై వస్తున్న ట్రోల్స్‌పై మీ అభిప్రాయాలను కామెంట్ల రూపంలో తెలియజేయండి.

Remembering #bigil 😂♥️
.#FIFAWorldCup

— Varsha Bollamma (@VarshaBollamma) December 18, 2022