follow us:
కోలీవుడ్ లేడీ సూపర్ స్టార్ నయనతార వివాహం ఆమె ప్రేమించిన వ్యక్తి డైరెక్టర్ విగ్నేష్ శివన్ తో అంగరంగ వైభవంగా జరిగింది. మహాబలిపురంలోని ఓ రిసార్టులో గురువారం(జూన్ 9న) కుటుంబసభ్యులు, బంధుమిత్రులు, సినిమా ఇండస్ట్రీలోని అతిరథమహారధుల సమక్షంలో జరిగింది. నయన్ పెళ్లికి రజినీ కాంత్ సహా షారుక్ ఖాన్ లాంటి సూపర్ స్టార్లు అంతా కనిపించి అలరించారు. కానీ, టాలీవుడ్ నుంచి మాత్రం ఏ ఒక్క సెలబ్రిటీ నయన్- విగ్నేష్ పెళ్లికి హాజరుకాలేదని సమాచారం. అందుకు రెండు కారణాలు చెబుతున్నారు. ఒకటి టాలీవుడ్ లో చాలా కొద్ది మందికి మాత్రమే పిలుపు అందడం. రెండు పిలిచిన వారిని కూడా మొక్కుబడిగా ఫోన్లో ఆహ్వానించడం చేయడమే కారణం అంటున్నారు.
నయనతార ఓ లేడీ సూపర్ స్టార్ గా ఎదిగింది అంటే అది కేవలం కోలీవుడ్ ద్వారానే కాదు. ఆమెకు టాలీవుడ్ లో ఎంతో మంచి ఫాలోయింగ్ ఉంది. టాలీవుడ్ లోని టాప్ హీరోలతో ఎన్నో మంచి సూపర్ హిట్ సినిమాల్లో నటించింది. నయనతార కెరీర్ ప్రారంభం నుంచే టాలీవుడ్ లో ఆమెకు మంచి ఆదరణ లభించింది. గజిని సినిమా తమిళ్ కంటే.. తెలుగులోనే మంచి విజయం సాధించింది.
View this post on Instagram
ఆ తర్వాత లక్ష్మీ, దుబాయ్ శ్రీను, తులసి, ఆంజనేయులు, అదుర్స్, సింహా, సైరా నరసింహారెడ్డి.. ఇలా టాలీవుడ్ లో అందరు టాప్ హీరోలతో నయనతార నటిచింది. అలాంటిది పెళ్లి విషయంలో టాలీవుడ్ స్టార్లను నిర్లక్ష్యం చేయడంపై ఫ్యాన్స్ ఆగ్రహం వ్యక్తం చేస్తున్నారు. నయనతారకు ఇంతటి గుర్తింపు రావడంలో టాలీవుడ్ ఇండస్ట్రీ కూడా ఓ ముఖ్య కారణంగా చెప్పవచ్చు.
View this post on Instagram
అయితే త్వరలోనే చెన్నైలో రిసెప్షన్ చేసేందుకు సిద్ధమవుతున్నారని.. ఆ కార్యక్రమానికి అందరినీ ఆహ్వానిస్తారని చెబుతున్నారు. ఏదేమైనా పెళ్లి విషయంలో మాత్రం నయనతార టాలీవుడ్ స్టార్లను అవమానించింది అని గట్టిగా టాక్ వినిపిస్తోంది. నయనతార టాలీవుడ్ హీరోలను నిర్లక్ష్యం చేసిందా? మీ అభిప్రాయాలను కామెంట్స్ రూపంలో తెలియజేయండి.
View this post on Instagram
View this post on Instagram
