follow us:
ఒకప్పుడు సినిమా 100 రోజులు ఆడిందా అనేవారు. ఇప్పుడు రూ.100 కోట్లు వసూళ్లు క్రాస్ చేసిందా అని అడుగుతున్నారు. సినిమా హిట్ అయిందా లేదా అనే విషయాన్ని రోజుల్లో కాకుండా రూపాయల్లో లెక్కేస్తున్నారు. థియేటర్లలో మూవీ రిలీజ్ కావడం లేట్.. కలెక్షన్స్ గురించి మాత్రమే ప్రతి ఒక్కరూ మాట్లాడుకుంటున్నారు. హిట్, ఫ్లాప్ అనే దాని గురించి అటు నిర్మాత, ఇటు ప్రేక్షకుడు అస్సలు పట్టించుకోవడం లేదు. ఇక ఇదంతా పక్కనబెడితే ఎన్నో అద్భుతమైన సినిమాల్ని మనకు అందించిన 2022.. చరిత్రలో కలిసిపోయేందుకు సిద్ధమైంది. ఈ క్రమంలోనే ఈ ఏడాది, రూ.100 కోట్లకు పైగా కలెక్షన్స్ సాధించిన తెలుగు సినిమాలు ఏంటి? వాటి సంగతేంటి ఇప్పుడు చూద్దాం.
ఇక వివరాల్లోకి వెళ్తే.. కొన్నేళ్ల ముందు వరకు రూ.100 కోట్ల కలెక్షన్స్ అంటే అమ్మో అనేవారు. ఇప్పుడు నీళ్లు తాగినంత సింపుల్ గా మన హీరోలు ఆ మార్క్ ని క్రాస్ చేస్తున్నారు. అలా 2022లో తెలుగుతో పాటు ఓవరాల్ గా చూసుకుంటే 25కి పైనే సినిమాలు ఉన్నాయి. ఇందులో పవర్ స్టార్ పవన్ కల్యాణ్ ‘భీమ్లా నాయక్’ దగ్గర నుంచి నిఖిల్ ‘కార్తికేయ 2’ వరకు చాలానే సినిమాలు ఉన్నాయి. ఓవరాల్ గా చూసుకుంటే మాత్రం.. తెలుగు నుంచి ఈసారి ఆరు సినిమాలు మాత్రం ఈ ఫిగర్ ని అందుకున్నట్లు కనిపిస్తున్నాయి.
టాలీవుడ్ నుంచి 2022లో రూ.100 కోట్ల కలెక్ట్ చేసిన సినిమాల్లో భీమ్లా నాయక్, రాధేశ్యామ్, ఆర్ఆర్ఆర్, సర్కారు వారి పాట, కార్తికేయ 2 ఉన్నాయి! ‘భీమ్లా నాయక్’ సినిమాకు రూ.158 కోట్ల గ్రాస్, ‘సర్కారు వారి పాట’ మూవీకి రూ.185 కోట్ల గ్రాస్ వసూలైంది. ఇవి కేవలం తెలుగులో మాత్రమే రిలీజై ఈ వసూళ్లు సాధించాయి. ఇక పాన్ ఇండియా ట్యాగ్ తో రిలీజైన ప్రభాస్ ‘రాధేశ్యామ్’కు రూ.149.1 కోట్లగ్రాస్, ఆర్ఆర్ఆర్ మూవీకి రూ.1200 కోట్లపైనే గ్రాస్ వసూలు చేసినట్లు తెలుస్తోంది. ఇక నిఖిల్ ‘కార్తికేయ 2’ చిత్రానికి రూ.121 కోట్లగ్రాస్ సాధించినట్లు తెలుస్తోంది.
ఇతర భాషా సినిమాల గురించి మాట్లాడుకుంటే.. ముందుగా చెప్పుకోవాల్సిందే ‘కేజీఎఫ్ 2’. తొలి పార్ట్ కు మించి సెన్సేషన్ క్రియేట్ చేసిన ఈ చిత్రం.. ప్రపంచవ్యాప్తంగా దాదాపు రూ.1200 కోట్ల వరకు వసూళ్లు సాధించింది. ఇక చిన్న సినిమాగా రిలీజై టాక్ ఆఫ్ ది కంట్రీ అయిన ‘కాంతార’.. రూ.411 కోట్ల గ్రాస్ సాధించినట్లు తెలుస్తోంది. వీటితోపాటే విక్రాంత్ రోణ రూ.100.30 కోట్లు, చార్లీ రూ.105.12 కోట్లు, జేమ్స్ రూ.151 కోట్ల గ్రాస్ కలెక్షన్స్ సొంతం చేసుకున్నట్లు సమాచారం. ఇక హిందీలో చాలా వరకు సినిమాలు ఫెయిలనప్పటికీ.. బ్రహ్మాస్త్ర, ద కశ్మీరీ ఫైల్స్, దృశ్యం 2, భూల్ భులయ్యా 2, గంగూబాయ్, విక్రమ్ వేద, జగ్ జగ్ జీయో, లాల్ సింగ్ చడ్డా మాత్రమే రూ.100 కోట్ల వసూళ్ల మార్క్ ని క్రాస్ చేశాయి. ఇక తమిళంలో పొన్నియన్ సెల్వన్, విక్రమ్, బీస్ట్, డాన్, తిరు, సర్కారు, వాలిమై లాంటి సినిమాలు.. మూడంకెల మార్కుని అందుకుని ఘనంగా 2022ని ముగించాయి. మరి రూ.100 కోట్ల సినిమాల లిస్ట్ చూసిన తర్వాత మీ అభిప్రాయం ఏంటి? 2023లో ఏయే సినిమాలు ఈ మార్క్ ని క్రాస్ చేస్తాయని భావిస్తున్నారు. కింద కామెంట్స్ లో పోస్ట్ చేయండి.
