యాంకర్- సింగర్ ‘కోల్డ్ వార్’ చల్లారేది ఎప్పుడు??.

మనసులోని భావాలకు, బయటకు చెప్పే విషయాలకు ఎంతో కొంత తేడా ఉన్నట్లే, సినీ రంగంలో ఉన్న వ్యక్తుల మధ్య స్నేహం ఉందా?, వైరం ఉందా? అనేది చెప్పడం కష్టం. ఈ ఫీల్డ్ లో హీరోలు, హీరోయిన్ల మధ్యే కాకుండా గాయనీమణుల మధ్య కూడా గట్టి పోటీ ఉంటుంది. ఈ పోటీ నుంచే గొడవలు మొదలవుతాయి. అవి కొంతమంది బయటపెడుతారు, మరికొంతమంది మనసులో పెట్టుకుంటారు. సింగర్ సునీత, యాంకర్ ఉదయభానుల మధ్య ఇప్పటికీ వార్ నడుస్తోందని గుసగుసలు వినిపిస్తూనే ఉన్నాయి.

అప్పట్లో స్టార్ యాంకర్ లిస్ట్ లో ఉండేది ఉదయభాను. అనర్గళంగా మాట్లాడుతూ యమజోరు గా యాంకరింగ్ చేస్తూ వచ్చేది ఉదయభాను. నిత్యం సోషల్ మీడియాలో యాక్టివ్ గానే ఉంటూ వస్తోన్న ఉదయభాను నటి గా, అలాగే బుల్లితెరపై యాంకర్ గా అందరికీ సుపరిచితమే. తన మాటలతో మాయ చేసి ప్రేక్షకులను ఇట్టే ఆకట్టుకుంటుంది. అలాగే సమాజ పరిస్థితులపై, నిజ జీవిత అంశాలపై ఎప్పటికప్పుడు స్పందిస్తూ ఉంటుంది. ఒకప్పుడు స్టార్ యాంకర్ గా ఒక వెలుగు వెలిగింది. టాలీవుడ్ టాప్ లీడింగ్ సింగర్ అయిన సునీత గురించి ప్రత్యేకంగా చెప్పాల్సిన పనిలేదు . తన స్వరంతో ప్రేక్షకులను మెప్పించగల సింగర్ సునీత. వీరిద్దరు కూడా వారి వారి రంగాలలో తమ కంటూ ఒక ప్రత్యేకమైన గుర్తింపు ఏర్పరచుకున్నారు.

సింగర్ సునీత, యాంకర్ ఉదయభాను మధ్య అప్పట్లో జరిగిన ఒక వివాదం మళ్లీ వెలుగులోకి వచ్చింది. అప్పుడెప్పుడో వీరి ఇద్దరి మధ్య జరిగిన యుద్ధం మళ్లీ సోషల్ మీడియాలో వైరల్ గా మారింది. అమెరికా టూర్ లో ఉదయభాను ని సింగర్ సునీత అవమానించిందని, అంతే కాకుండా తన కనీసం స్టేజ్ మీదకు కూడా పిలవలేదని, తనని పిలవక పోయినా కూడా తనంతట తాను వెళుతుంటే బాధాకరమైన మ్యూజిక్ ప్లే చేసి తనను అవమానించారని, ఆ సమయంలో తనకు ఏడుపు వచ్చిందని ఉదయభాను ఒక ఇంటర్వ్యూలో చెప్పుకొచ్చింది. దీంతో వీరిద్దరి మధ్య వివాదం మొదలైంది.

అయితే ఉదయభాను తనను అవమానించిన సింగర్ ఎవరు అనే పేరు చెప్పకపోయినా కూడా సునీతా నేనని అప్పుడే అంతా డిసైడ్ అయిపోయారు. ఇందులో ఆశ్చర్యపోవాల్సిన విషయం ఏమిటంటే ఈ విషయంపై సునీత కూడా రియాక్ట్ అయ్యింది. ఉదయభాను వ్యాఖ్యలపై స్పందిస్తూ నిజానికి ఉదయభాను నన్ను అపార్థం చేసుకుందని, పోగ్రామ్ కి ఉదయభాను రమ్మని తాను పిలవలేదని ఆమెను ఆర్గనైజర్లు పిలిచారని, అలాంటప్పుడు తాను ఎందుకు స్టేజిపైకి పిలుస్తాను అంటూ చెప్పుకొచ్చింది.

అంతేకాకుండా ఆ రోజు అసలు ఏం జరిగిందో తనకు సరిగా గుర్తు కూడా లేదని, ఈ ఘటన జరిగిన తర్వాత చాలాసార్లు మేము కలుసుకున్నామని, కానీ ఉదయభాను మొహం పక్కకి తిప్పుకుందని అందులో తన తప్పు ఏమీ లేదంటూ సునీత చేతులు దులిపేసుకుంది. అయితే అప్పుడెప్పుడో జరిగిన ఈ వివాదం మళ్లీ తెరపైకి రావడంతో వీరిద్దరు మరొకసారి వార్తల్లో నిలిచారు.

అప్పట్లో సంచలనం రేపిన ఈ వీడియో మళ్లీ మీకోసం: