జక్కన్న ఖాతాలో మరో కీర్తి కిరీటం! న్యూయార్క్ ఫిల్మ్ క్రిటిక్స్ సర్కిల్ బెస్ట్ డైరెక్టర్ గా రాజమౌళి!

దర్శకధీరుడు SS రాజమౌళి.. తెలుగు సినిమా ఇండస్ట్రీ స్టామినాని ప్రపంచ వ్యాప్తం చేసిన ఘనుడు. ఇండియన్స్ కు హాలీవుడ్ లెవల్లో సినిమాలు తీయ్యరాదు అన్న ప్రశ్నకు సమాధానంగా నిలిచిన ధీరుడు రాజమౌళి. హాలీవుడ్ మూవీలకు పెట్టే బడ్జెట్ లో సగం బడ్జెట్ పెట్టి.. హాలీవుడ్ రేంజ్ లో వసూళ్లు రాబట్టడంలో మన జక్కన్న దిట్ట. తెలుగు చిత్ర పరిశ్రమను వరల్డ్ వైడ్ గా ఆడియన్స్ కు పరిచయం చేసిన ఘనత మాత్రం జక్కన్నదే. బాహుబలితో మెుదలైన జక్కన్న ప్రభంజనం.. RRRతో హాలీవుడ్ కోటలకు బీటలు వారేలా చేశాడు మన రాజమౌళి. ఇక RRR సృష్టించిన వసూళ్ల ప్రభంజన అంతాఇంతా కాదు. ప్రపంచ వ్యాప్తంగా రూ. 1200 కోట్లు రాబట్టి సునామీ సృష్టిస్తోంది. తాజాగా డైరెక్టర్ రాజమౌళి కీర్తి కిరీటంలో మరో వజ్రం పొదిగింది.

SS రాజమౌళి.. దర్శకధీరుడిగా.. ఇండియన్ సినిమా గ్లోరీని వరల్డ్ ఆడియన్స్ కి పరిచయం చేసిన ఘనత జక్కన్నదే. ప్రస్తుతం ఆస్కార్ రేసులో ఉన్న RRR మూవీకి అవార్డుల మీద అవార్డులు వస్తున్నాయి. తాజాగా మరో అవార్డును తన ఖాతాలో వేసుకున్నాడు రాజమౌళి. న్యూయార్క్ ఫిల్మ్ క్రిటిక్స్ సర్కిల్ ప్రతీ సారి అవార్డులను ప్రకటిస్తుంటుంది. అందులో భాగంగా ఈ సారి ఈ బెస్ట్ డైరెక్టర్ అవార్డును రాజమౌళి సొంతం చేసుకున్నాడు. RRR సినిమాకు గాను ఈ అవార్డుకు ఎంపిక చేసినట్లు NYFCC తెలిపింది. ఎంతో మంది హాలీవుడ్ డైరెక్టర్లను తలదన్ని జక్కన్న ఈ ఘనత సాధించాడు. దాంతో ఆస్కార్ రేసులో నిలవాలి.. గెలవాలి అంటే ఇలాంటి అవార్డులు వస్తుండాలి. ఇక ఈ అవార్డుతో ఆస్కార్ రేసులో మరింత ముందుకు వెళ్లనుంది RRR.మరో అవార్డు జక్కన్న ఖాతాలో పడటంతో ఇటు తెలుగు సినీ అభిమానులతో పాటుగా ఇండియన్స్ కూడా ఎంతో ఆనందాన్ని వ్యక్తం చేస్తున్నారు.

BEST DIRECTOR: S. S. Rajamouli, RRR

— New York Film Critics Circle (@nyfcc) December 2, 2022

#RRR filmmaker S. S. Rajamouli has won best director at the New York Film Critics Circle awards. https://t.co/9RaxuoSXb7 #NYFCC @RRRMovie pic.twitter.com/swGnEb9Ovz

— Variety (@Variety) December 2, 2022

BEST DIRECTOR

S.S. Rajamouli, ‘RRR’

View the full winners list from #NYFCC on Deadline: https://t.co/gWtJh4eDR6 pic.twitter.com/aAhItcffGR

— Deadline Hollywood (@DEADLINE) December 2, 2022