follow us:
ఏ డైరెక్టర్ అయినా సరే తన సినిమా హిట్ కావాలని బలంగా కోరుకుంటాడు. అందుకు తగ్గట్లే సినిమా తీస్తాడు. రిలీజైన తర్వాత నచ్చితేనే ప్రేక్షకుల్ని ఆ చిత్రాన్ని చూస్తారు. అలా తన ఫస్ట్ మూవీ నుంచి హిట్స్, వీలైతే బ్లాక్ బస్టర్స్ మాత్రమే కొడుతూ తన రేంజ్ ని ఎప్పటికప్పుడు పెంచుకుంటున్న డైరెక్టర్ ఎస్ఎస్ రాజమౌళి. ‘బాహుబలి’తో టాలీవుడ్ రేంజ్ పెంచిన జక్కన.. గతేడాది వచ్చిన ‘ఆర్ఆర్ఆర్’ అంతకుమించిన ఫేమ్, క్రేజ్ సంపాదించాడు. హాలీవుడ్ దర్శకులే తన సినిమాని మెచ్చకునే రేంజ్ కి వెళ్లిపోతున్నాడు.
ఇక వివరాల్లోకి వెళ్తే.. ‘ఆస్కార్’ రేసులో ఉన్న ‘ఆర్ఆర్ఆర్’ సినిమా, రీసెంట్ గా ‘గోల్డెన్ గ్లోబ్’ అవార్డు దక్కించుకుంది. ‘నాటు నాటు’ పాటకు గానూ ఈ పురస్కారం దక్కింది. ఆ తర్వాత హాలీవుడ్ దిగ్గజం ‘స్టీవెన్ స్పీల్ బర్గ్’ని కలిసిన జక్కన్న.. ‘నేను దేవుడిని మీట్ అయ్యాను’ అని చిన్నపిల్లాడిలా ఆనందపడ్డారు. ఇది ఇంకా ప్రేక్షకుల మనసుల్లో ఉండగానే.. ఇప్పుడు హాలీవుడ్ మరో దిగ్గజ దర్శకుడు.. ‘టైటానిక్’, ‘అవతార్’ చిత్రాల సృష్టికర్తని రాజమౌళి కలిశారు. అందుకు సంబంధించిన ఫొటోల్ని షేర్ చేసి తన ఆనందాన్ని సోషల్ మీడియాలో పంచుకున్నారు.
‘గ్రేట్ జేమ్స్ కామెరూన్ RRRని చూశారు. ఎంతో ఇష్టపడ్డారు కూడా. ఆయన తన భార్య సుజీకి కూడా సినిమా చూడాలని రికమెండ్ చేశారు. అంతేకాదు ఆమెతో కలిసి మళ్లీ తాను సినిమా చూస్తానని అన్నారు. సార్ మీరు మా మూవీ గురించి 10 నిమిషాల పాటు మాట్లాడారు. ఈ విషయాన్ని ఇప్పటికీ నేను నమ్మలేకపోతున్నాను. మీరు చెప్పినట్లు ‘ఐ యామ్ ఆన్ టాప్ ఆఫ్ ది వరల్డ్’.. ఈ క్షణాలు జీవితంలో మర్చిపోలేను. మీ ఇద్దరికీ థ్యాంక్స్’ అని ట్విట్టర్ లో రాజమౌళి రాసుకొచ్చారు. దీనిపై నెటిజన్స్ నుంచి సెలబ్రిటీల వరకు ప్రతిఒక్కరూ స్పందిస్తున్నారు. RRR మూవీ, ఆస్కార్ కొట్టేంతవరకు అక్కడే ఉండాలని కామెంట్ చేస్తున్నారు. మరి రాజమౌళి సినిమా చూసి హాలీవుడ్ దర్శకులు మెచ్చుకోవడాన్ని మీరేం అనుకుంటున్నారు. కింద కామెంట్స్ లో మీ అభిప్రాయాన్ని పోస్ట్ చేయండి.
The great James Cameron watched RRR.. He liked it so much that he recommended to his wife Suzy and watched it again with her.🙏🏻🙏🏻
Sir I still cannot believe you spent a whole 10 minutes with us analyzing our movie. As you said I AM ON TOP OF THE WORLD… Thank you both 🥰🥰🤗🤗 pic.twitter.com/0EvZeoVrVa
— rajamouli ss (@ssrajamouli) January 16, 2023
