రాజమౌళికి హాలీవుడ్ సినిమా ఆఫర్.. ‘అవతార్’ డైరెక్టర్ కామెరూన్ హామీ!

తెలుగు సినిమా గురించి దేశంలోని మిగతా భాషల వాళ్లు మాట్లాడుకుంటే చాలని సగటు టాలీవుడ్ ప్రేక్షకుడు అనుకున్నాడు. కానీ డైరెక్టర్ రాజమౌళి అంతకు మించి ఆలోచించాడు. ‘బాహుబలి’తో మొదలైన ఈ ప్రభంజనం.. గతేడాది రిలీజైన ‘ఆర్ఆర్ఆర్’తో ఇంకాస్త ఎక్కువైందే గానీ అస్సలు తగ్గలేదు. అలా ఇప్పుడు తెలుగు సినిమా రేంజ్ ఎక్కడికో వెళ్లిపోయింది. హాలీవుడ్ టాప్ యాక్టర్స్, డైరెక్టర్స్ మన సినిమా గురించి మాట్లాడుకుంటున్నారంటే అదంతా జక్కన్న వల్లే సాధ్యమైంది. ఇప్పుడు ఇదంతా కాదన్నట్లు రాజమౌళి.. హాలీవుడ్ ఎంట్రీకి కూడా దాదాపు లైన్ క్లియర్ అయిపోయింది.

ఇక విషయానికొస్తే.. గతేడాది థియేటర్లలో రిలీజైన ‘ఆర్ఆర్ఆర్’ సినిమా వండర్స్ క్రియేట్ చేసింది. రూ.1200 కోట్ల కలెక్షన్స్ మాత్రమే కాదు ప్రేక్షకుల్ని విశేషంగా ఎంటర్ టైన్ చేసింది. ఇది ఫిక్షనల్ మూవీనే అయినప్పటికీ.. హాలీవుడ్ వరకు రీచ్ అయింది. సినిమా రిలీజైన టైంలోనే చాలామంది హాలీవుడ్ నటీనటులు, దర్శకులు ఈ సినిమా గురించి పొగుడుతూ ట్వీట్స్ పెట్టారు. అది ఇప్పటికీ కంటిన్యూ అవుతూనే ఉంది. అయితే అదంతా ఒకెత్తు.. తాజాగా ఈ సినిమా ‘గోల్డెన్ గ్లోబ్’ అవార్డు గెలుచుకున్న తర్వాత జేమ్స్ కామెరూన్ ఏకంగా రాజమౌళిని మెచ్చుకోవడం మరో హైలెట్. రీసెంట్ గా వాళ్లిద్దరి ఫొటోలు కూడా సోషల్ మీడియాలో తెగ వైరల్ అయ్యాయి. అయితే ఆరోజు ఇద్దరూ ఏం మాట్లాడుకున్నారనే వీడియోని తాజాగా ట్విట్టర్ లో పోస్ట్ చేశారు.

ఇక ఈ వీడియోలో భాగంగా డైరెక్టర్ రాజమౌళి విజన్ ని, ఆ’ర్ఆర్ఆర్’ సినిమా స్టోరీని ‘అవతార్’ చిత్రాల డైరెక్టర్ జేమ్స్ కామెరూన్ తెగ మెచ్చుకుంటూ కనిపించాడు. అలానే ఈ సినిమాను ఆయన రెండుసార్లు చూశారని.. కామెరూన్ భార్య రాజమౌళితో చెప్పింది. ఇక సినిమాలో డీటైలింగ్ గురించి చాలా ఎగ్జైట్ అవుతూ చెప్పుకొచ్చిన కామెరూన్.. వెళ్తూ వెళ్తూ రాజమౌళికి బంపర్ ఆఫర్ ఇచ్చారు. ‘ఒకవేళ ఇక్కడ(హాలీవుడ్) మూవీ చేయడానికి ఆసక్తి ఉంటే చెప్పు, మాట్లాడుదాం’ అని జక్కన్నతో కామెరూన్ అన్నాడు. దీంతో రాజమౌళి ఫ్యాన్స్ తెగ సంబరపడిపోతున్నారు. ఒకవేళ ఇది కన్ఫర్మ్ అయినా సరే సెట్స్ మీద వెళ్లడానికి మరి కొన్నేళ్లుగా పట్టొచ్చు. ఎందుకంటే రాజమౌళి.. మహేశ్ సినిమాతో బిజీ. కామెరూన్.. ‘అవతార్’ సీక్వెల్స్ బిజీ కాబట్టి. సరే ఇదంతా పక్కనబెడితే.. రాజమౌళికి హాలీవుడ్ ఆఫర్ రావడంపై మీరేం అనుకుంటున్నారు. కింద కామెంట్స్ లో మీ అభిప్రాయాన్ని పోస్ట్ చేయండి.

“If you ever wanna make a movie over here, let’s talk”- #JamesCameron to #SSRajamouli. 🙏🏻🙏🏻

Here’s the longer version of the two legendary directors talking to each other. #RRRMovie pic.twitter.com/q0COMnyyg2

— RRR Movie (@RRRMovie) January 21, 2023