క‌వ‌ల పిల్ల‌ల‌కు జ‌న్మ‌నిచ్చిన సింగర్ చిన్మయి!

సినీ ఇండస్ట్రీలో తన గానంతో ఎంతో మంది మనసు దోచిన సింగర్ చిన్మయి శ్రీపాదకు కవలలు పుట్టారు. తనకు ముద్దు ముద్దుగా ఉన్న ఇద్దరు కవలలు పుట్టారని నటుడు, దర్శకుడు రాహూల్ రవీంద్ర సోషల్ మీడియా వేధికగా తెలియజేశారు. దీనికి సంబంధించిన చిన్నారుల చేతులను ఫోటో తీసి నెట్టింట షేర్ చేశాడు. అంతేకాదు వాళ్లకు అప్పుడే పేర్లు కూడా పెట్టారు. ‘ద్రిప్త, శర్వాస్.. మా జీవితంలోకి కొత్తగా వచ్చిన అతిధులు.. ఎప్పటికీ మాతోనే ఉండిపోతారు’ అంటూ రాసుకొచ్చాడు. రాహుల్‌ పెట్టిన పోస్ట్‌ ఇప్పుడు నెట్టింట వైరల్‌గా మారింది.

సినీ నటుడుగా రాణిస్తూనే పలు చిత్రాలకు దర్శకత్వం వహిస్తున్నాడు రాహూల్ రవీంద్ర. ఇక చిన్మయి డబ్బింగ్ ఆర్టిస్ట్ గానే కాకుండా తన అద్భుతమైన స్వరంతో పాటలు పాడుతూ మంత్రముగ్దులను చేస్తుంది. అంతేకాదు మహిళల గురించి పోరాడుతూ.. పలు కాంట్రవర్సీలకు తెరలేపారు. ప‌లువురు న‌టీమ‌ణులు త‌మ‌కు ఎదురైన ఇబ్బందుల‌ను సోష‌ల్ మీడియా స‌హా ప‌లు మాధ్య‌మాల ద్వారా తెలియ‌జేశారు. ఈ సందర్భంగా ఆమెపై పలు విమర్శలు కూడా వచ్చాయి.

తెలుగు ఇండస్ట్రీలో కాస్టింగ్ కౌచ్ పై శ్రీరెడ్డి పోరాటం తర్వాత బాలీవుడ్ లో మీటూ ఉద్యమం మొదలైంది. అప్పట్లో ద‌క్షిణాదిన మీ టూ ఉద్య‌మాన్ని ముందుకు తీసుకెళ్ల‌డంలో చిన్మ‌యి చొర‌వ చూపారు. ప్రముఖ తమిళ సీనియర్ నటుడు, నటి రాధిక సోదరుడు రాధారవి, ప్రముఖ రచయిత వైర ముత్తులపై అప్పట్లో పలు ఆరోపణలు చేసి సంచలనం సృష్టించింది. ఇక రాహూల్ రవీంద్ర ‘అందాల రాక్షసి’మూవీతో తెలుగు తెరకు పరిచయం అయ్యాడు. ఆ తర్వాత పలు చిత్రాల్లో నటించి దర్శకుడిగా మారారు.

Driptah and Sharvas
The new and forever center of our Universe. ❤️
@rahulr_23 pic.twitter.com/XIJIAiAdqx

— Chinmayi Sripaada (@Chinmayi) June 21, 2022