షూటింగ్‌లో గాయపడ్డ సల్మాన్ ఖాన్

బాలీవుడ్ టాప్ స్టార్లలో ఒకరు సల్మాన్ ఖాన్. 1988లో బాలీవుడ్ పరిశ్రమలోకి అడుగుపెట్టిన ఈ మోస్ట్ ఎలిజబుల్ బ్యాచులర్, కండల వీరుడు సల్మాన్ 35 పాటు నిర్విరామంగా హీరోగా కొనసాగుతున్నారు. ఈ ఏడాది ఇప్పటి వరకు మూడు సినిమాలతో మనల్ని అలరించారు. ఈ ఏడాదే ఆయన తెలుగు సినీ పరిశ్రమలోకి అడుగుపెట్టారు. వాల్తేరు వీరయ్యతో పాటు పఠాన్ సినిమాల్లో ముఖ్య పాత్రల్లో కనిపించి కనువిందు చేశారు. ఈ ఏడాది జనవరిలో విడుదలైన ఈ రెండు సినిమాలు బాక్సాఫీస్ బద్దలు కొద్దిన సంగతి విదితమే. అయితే ఆయన ఫుల్ లెంగ్త్ మూవీ కిసీ కా భాయ్, కిసీకా జాన్ ప్రేక్షకులను మెప్పించలేకపోయింది.

ప్రస్తుతం ఆయన దృష్టి అంతా టైగర్-3 సినిమాపైనే ఉంది.  ఈ సినిమా షూటింగ్ శరవేగంగా జరుగుతుంది. ఏక్ థా టైగర్, టైగర్ జిందా హైకి సీక్వెల్ గా ఈ సినిమా తెరకెక్కుతున్న సంగతి విదితమే. అయితే షూటింగ్ భాగంగా యాక్షన్ సన్నివేశాలు తెరకెక్కిస్తుండగా సల్మాన్ ప్రమాదానికి గురయ్యారు. ఎడమ భుజానికి కింద భాగంలో గాయాలయ్యాయి. ఈ విషయాన్ని ఆయన స్వయంగా ట్విట్టర్ ద్వారా వెల్లడించారు. ‘మీ భుజాలపై భారమంతా మోయాల్సి వస్తుందని ఎప్పుడైనా భావించారా..? ప్రపంచం గురించి ఆలోచించడం మానేసి.. ఐదు కేజీల డంబెల్ ఎత్తి చూపించిండి. పులికి గాయమైంది’అంటూ ట్వీట్ చేశారు. అంటే తనకు గాయపడిన విషయాన్ని అలా చెప్పారు. దీంతో గెట్‌ వెల్‌ సూన్‌ అంటూ అభిమానులు కామెంట్స్‌ చేస్తున్నారు.

Wen u think u r carrying the weight of the world on your shoulders , he says duniya ko chodo paanch kilo ka dumbbell utha ke dikhao .Tiger Zakhmi Hai . #Tiger3 pic.twitter.com/nyNahitd24

— Salman Khan (@BeingSalmanKhan) May 18, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.