follow us:
పాన్ ఇండియా స్టార్ ప్రభాస్ నటిస్తున్న భారీ సినిమాలలో సలార్ ఒకటి. కేజీఎఫ్ ఫేమ్ ప్రశాంత్ నీల్ దర్శకత్వం వహిస్తున్న ఈ సినిమా మాస్ యాక్షన్ నేపథ్యంలో తెరకెక్కుతోంది. హోంబలే ఫిలిమ్స్ బ్యానర్ పై విజయ్ కిరగందుర్ ఈ సినిమాను నిర్మిస్తున్నారు. అయితే.. సలార్ నుండి ఇప్పటివరకు ఫస్ట్ లుక్ తప్ప మేకర్స్ ఏ అప్ డేట్ ఇవ్వలేదు. సలార్ నుండి కొత్త అప్ డేట్స్ ఎప్పుడెప్పుడు వస్తుందా.. అని డార్లింగ్ ఫ్యాన్స్ అంతా వేయికళ్లతో ఎదురు చూస్తున్నారు.
హీరోయిజం ఎలివేషన్స్ లో మాస్టర్ అనిపించుకున్న దర్శకుడు ప్రశాంత్ నీల్.. ప్రభాస్ తో సినిమా అనేసరికి సలార్ పై అంచనాలు భారీస్థాయిలో నెలకొన్నాయి. సలార్ ని నిర్మిస్తున్న విజయ్ కిరగందుర్ తాజాగా కేజీఎఫ్-2 రిలీజ్ చేసి సూపర్ హిట్ అందుకున్నాడు. ఈ క్రమంలో ప్రశాంత్ నీల్ – ప్రభాస్ కాంబోలో రూపొందుతున్న సలార్ నుండి టీజర్ రిలీజ్ చేయనున్నట్లు సమాచారం.
ఎప్పటినుండో ప్రభాస్ ఫ్యాన్స్ ఎదురు చూస్తున్న టీజర్ వచ్చే నెల(మే)లో రిలీజ్ చేయనున్నారని తెలిసేసరికి ఫ్యాన్స్ లో ఆనందం మామూలుగా లేదు. డార్లింగ్ ఫ్యాన్స్ కి ఇది పండగలాంటి వార్తే అని చెప్పాలి. ప్రభాస్ ఫస్ట్ లుక్ చూసినప్పుడే పాన్ ఇండియా ఫ్యాన్స్ కి మతిపోయింది. మరిప్పుడు ఏకంగా టీజర్ చూస్తే ఏ స్థాయిలో హంగామా ఉండబోతుంది అనేది ఆసక్తికరంగా మారింది. ఈ సినిమాలో ప్రభాస్ కి జోడిగా స్టార్ హీరోయిన్ శృతిహాసన్ నటిస్తోంది. మరి సలార్ పై మీ అభిప్రాయాలను కామెంట్స్ లో తెలియజేయండి.
‘SALAAR’ TEASER NEXT MONTH… #HombaleFilms – the producers of #KGF and #KGF2 – will unveil the teaser of their next PAN-#India film #Salaar – starring #Prabhas – in the last week of May… #Salaar is directed by the Hit Machine #PrashantNeel. pic.twitter.com/Fne3l0CyDT
— taran adarsh (@taran_adarsh) April 14, 2022
