follow us:
ఆచార్య మూవీలో “చానా కష్టం” పాటతో కుర్రాళ్ళను మత్తు ఉయ్యాలలో పడేసి ఊపు ఊపేసిన అందాల భామ రెజీనా ప్రెగ్నెన్సీ విషయంలో ఒక అబద్ధం ఆడిందట. అది కూడా తనకి ఎంతో ఇష్టమైన స్వీట్ కోసం ఆ అబద్ధం ఆడిందట. ఈ విషయాన్ని స్వయంగా రెజీనానే వెల్లడించింది. “అలీతో సరదాగా” షోలో పాల్గొన్న రెజీనా తన జీవితంలో జరిగిన వింత అనుభవాలను షేర్ చేసుకుంది.
రాత్రి 11 గంటల సమయంలో మిస్టి దోయ్ స్వీట్ బాగా తినాలపించిందట. స్వీట్ కోసం బయటకు వెళ్లి, ఎక్కడ దొరుకుతుందా అని వెతుకుతుండగా ఒక షాపు కనబడిందట. షాపు దగ్గరకు వెళ్ళేటప్పటికి యజమాని షాప్ క్లోజ్ చేస్తున్నానని చెప్పాడట. ఎలాగైనా స్వీట్ తినాల్సిందే అని ఆమె ఫిక్స్ అయ్యిందట. ‘సార్ సార్ నేను ప్రెగ్నెంట్.. నాకా స్వీట్ తినాలని ఉంది’ అంటూ యజమానికి అబద్ధం చెప్పి స్వీట్ తినేసిందట. ఆ సమయంలో అతనికి అబద్ధం చెప్పడం తప్పలేదని రెజీనా చెప్పుకొచ్చింది.
స్వీట్ తినాలనిపిస్తే అబద్ధం చెప్తుంది, కోపమొస్తే రౌడీ బేబీలా బిహేవ్ చేస్తుందంట రెజీనా. ఒకసారి ఆగ్రాలో ఓ వ్యక్తిని పట్టుకుని బలంగా కొట్టేసిందట. చిన్న చిన్న గొందులు ఆంధ్రా వెళ్లినా, ఆగ్రా వెళ్లినా ఉంటాయి. ఆ గొందుల్లో షూట్ చేసేటప్పుడు కెమెరాకు ఓ కుక్క అడ్డు వచ్చిందట. అది చిన్నగా నడుస్తూ వెళ్తోందట. ఆ సమయంలో ఓ వ్యక్తి అక్కడికి వచ్చి కుక్కని బలంగా కాలితో తన్నాడట. అది చూసి రెజీనాకి కోపం వచ్చేసిందట. అతన్ని పట్టుకుని బలంగా కొట్టేశా అంటూ చెప్పుకొచ్చింది. ప్రస్తుతం రెజీనా తెలుగు, తమిళ భాషల్లో వరుస సినిమాలతో బిజీగా ఉంది.
మరోవైపు విభిన్నమైన వెబ్ సిరీస్ లతో రెజీనా ఓటీటీ ప్లాట్ ఫార్మ్ ను కుదిపేస్తోంది. “రాకెట్ బాయ్స్” వెబ్ సిరీస్ తో బాలీవుడ్ లో అడుగుపెట్టిన రెజీనా.. ఫింగర్ టిప్ సీజన్ 2 తో కోలీవుడ్ లో, అలానే ‘అన్యాస్ ట్యుటోరియల్’ వెబ్ సిరీస్ తో టాలీవుడ్ లో అడుగుపెట్టి సత్తా చాటింది. రెజీనా నటించిన ‘షూర్ వీర్’ హిందీ వెబ్ సిరీస్ జూలై నెల 15 న డిస్నీ+హాట్ స్టార్ ఓటీటీలో రిలీజ్ కానుంది. మరి.. రెజీనా చేసిన అల్లరి పనులపై మీ అభిప్రాయాలను కామెంట్స్ రూపంలో తెలియజేయండి.
