ఐశ్వర్య రాజేష్‌ వ్యాఖ్యలపై స్పందించిన రష్మిక మందన్న.. ఏమన్నదంటే..

రష్మిక మందన్నపై ప్రముఖ హీరోయిన్‌ ఐశ్వర్య రాజేష్‌ చేసిన వ్యాఖ్యలు తీవ్ర దుమారం రేపుతున్న సంగతి తెలిసిందే. కొద్దిరోజుల క్రితం ఐశ్వర్య ఓ ఇంటర్వ్యూలో మాట్లాడుతూ.. పుష్ప సినిమాలో శ్రీవల్లి లాంటి పాత్రలు తనకి బాగా సెట్ అవుతాయని అన్నారు. అయితే ఈ మాటలను కొందరు వక్రీకరించారు. శ్రీవల్లి పాత్రని తాను రష్మిక కన్నా బాగా చేసేదాన్ని అని కామెంట్స్ చేసినట్లు ఓ వార్తను సృష్టించారు. దాన్ని  వైరల్ గా మార్చారు. దీంతో ఐశ్వర్య రాజేష్‌పై.. రష్మిక ఫ్యాన్స్ ఆగ్రహం వ్యక్తం చేశారు. అప్పటినుంచి ట్రోల్స్‌ చేస్తూ వస్తున్నారు. ఈ నేపథ్యంలోనే ఐశ్వర్య రాజేష్‌ తన వ్యాఖ్యలపై వివరణ ఇచ్చారు. ఈ మేరకు ఓ ప్రకటన విడుదల చేశారు.

తాను రష్మికని ఏమీ అనలేదని తెలిపారు. ఆమె పట్ల తాను చేసిన వ్యాఖ్యలను వక్రీకకరించారని చెప్పారు. ఇటీవల జరిగిన ఇంటర్వ్యూలో తనకు ఎలాంటి పాత్రల్లో కనిపించాలని ఉందని అడిగిన ప్రశ్నకు సమాధానం ఇచ్చానని, తెలుగులో సినిమాలు చేయాలనుకుంటున్నట్లు చెప్పానన్నారు. పుష్పలో శ్రీవల్లి క్యారెక్టర్ లాంటిది అయితే బాగుంటుందని అన్నానన్నారు. అంతే కానీ, రష్మికను ఏమీ అనలేదని స్పష్టం చేశారు. తనకు రష్మిక పట్ల, ఆమె వర్క్ పట్ల రెస్పెక్ట్ ఉందని చెప్పారు. అయితే, ఐశ్వర్య రాజేష్‌ ఇంత వివరణ ఇచ్చినా.. కొంతమంది రష్మిక ఫ్యాన్స్‌ ట్రోల్స్‌ చేయటం ఆపటం లేదు.

దీంతో ఏకంగా రష్మికనే రంగంలోకి దిగారు. ఈ మేరకు నిన్న తన ట్విటర్‌ ఖాతాలో ఓ పోస్ట్‌ పెట్టారు. ఆ పోస్టులో ‘‘ నేను కూడా గొడవ గురించి తెలుసుకున్నాను. నువ్వు ఏ ఉద్ధేశ్యంతో అన్నావో నేను అర్థం చేసుకోగలను. నువ్వు అంత వివరణ ఇవ్వాల్సిన అవసరం లేదు. నేను నిన్ను ఎంత ప్రేమిస్తానో నీకే తెలుసు. నీ సినిమా ఫర్హానా మంచి విజయం సాధించాలని కోరుకుంటున్నాను’’ అని పేర్కొన్నారు. మరి, ఐశ్వర్య రాజేష్‌ వ్యాఖ్యలపై రష్మిక స్పందించటంపై మీ అభిప్రాయాలను కామెంట్ల రూపంలో తెలియజేయండి.

Hi love.. just came across this.. the thing is – I perfectly understood what you meant and I wish there were no reasons for us to explain ourselves and as you know I only and only have love and respect for you.. and ones again all the bestest for your film Farhana love .. 😄🤗❤️

— Rashmika Mandanna (@iamRashmika) May 18, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.