తన ఫస్ట్ క్రష్ – ఎవరో చెప్పేసిన వర్మ!.. ట్వీట్ వైరల్!!.

రామ్ గోపాల్ వర్మ అంటే కేరాఫ్ కాంట్రవర్సీ అని చెప్పొచ్చు. ఎపుడు ఎక్కడ, ఎవరిపై ఎలాంటి ట్వీట్స్ చేస్తాడో ఆ బ్రహ్మ దేవుడుకు కూడా తెలియదంటే అతిశయోక్తి కాదు. తన మనసుల ఏముందో నిర్మొహమాటంగా చెప్పడం వర్మను చూసే నేర్చుకోవాలి. ఎప్పుడు ఏదో ఇష్యూ మీద కాంట్రవర్సీ ట్వీట్స్ చేస్తూ వార్తల్లో నిలవడం రామ్ గోపాల్ వర్మ శైలి.  గత కొన్ని రోజులుగా కరోనాతో పాటు రాజకీయ నాయకులపై తనదైన శైలిలో పంచ్‌లు వేస్తూ టైమ్ పాస్ చేస్తున్నారు. రామ్ గోపాల్ వర్మ రీసెంట్ గా తన సీక్రెట్ ను ఫాలోవర్స్ తో పంచుకున్నారు.

తన ఫస్ట్‌ లవర్‌ను పరిచయం చేస్తూ ఆమె ఫొటో షేర్‌ చేశాడు. వర్మ కాలేజీ రోజుల్లో ఓ అమ్మాయిని ప్రేమించినట్లు ఈ సందర్భంగా వెల్లడించాడు. ఆమె పేరు పోలవరపు సత్య అని, మెడిసిన్‌ చేసినట్లు తెలిపాడు. విజయవాడలోని సిద్దార్థ ఇంజనీరింగ్‌ కాలేజీ రామ్ గోపాల్ వర్మ బిటెక్‌ చదవగా అదే క్యాంపస్‌లో సిద్దార్థ మెడికల్‌ కాలేజీలో సత్య మెడిసిన్‌ చేసిందట.   రెండు క్యాంపస్‌లు ఒకేచోట ఉండటంతో రోజు సత్యను చూసేవాడినని, అలా తనతో ప్రేమలో పడిపోయినట్లు చెప్పాడు. ఆమె డబ్బు ఉన్న మరో వ్యక్తితో ప్రేమలో ఉన్న కారణంగా తనని పట్టించుకునేది కాదనే భావనలో ఉండేవాడినన్నాడు. అలా ‘రంగీలా’ మూవీ స్టోరీ పుట్టిందని అన్నాడు.

ప్రస్తుతం సత్య అమెరికాలో మెటర్నిటీ డాక్టర్‌గా పని చేస్తున్నట్లు వర్మ చెప్పాడు. అంతేగాక బీచ్ తీరాన స్విమ్‌సూట్‌లో ఉన్న ఆమె ఫొటోలను తన వరుస ట్వీట్‌లలో షేర్‌ చేశాడు. ‘క్షణ క్షణం’ సినిమాలో కథానాయిక శ్రీదేవికి సత్య పేరునే పెట్టి అభిమానాన్ని చాటుకున్నారు. అలా తను ఎంతో ఇష్టపడిన తొలి ప్రేయసి పేరును సినిమాల్లో అంతకంటే ఎక్కువ ఇష్టపడే శ్రీదేవి పాాత్రకు పెట్టుకోవడం ఆర్జీవికే చెల్లింది. శ్రీదేవి అంటే రామ్ గోపాల్ వర్మకు ఎంత ఇష్టమో ప్రత్యేకంగా చెప్పాల్సిన పనిలేదు.

The woman in blue swim suit is SATYA ..She was my 1st ever Love in my college days at Siddhardha engineering college Vijayawada.. @polavarapusatya is currently in the US practising Maternal Fetal medicine specialist and OB Gyn pic.twitter.com/UjsnhEGhwY

— Ram Gopal Varma (@RGVzoomin) August 25, 2021