రైలు ప్రమాదం ఘటనపై రాహుల్ రామకృష్ణ కామెడీ.. క్షమాపణలు చెప్పిన కమెడియన్

ఒడిశాలో జరిగిన రైళ్ల ప్రమాదంపై దేశవ్యాప్తంగా విచారం వ్యక్తం చేస్తున్నారు. శుక్రవారం రాత్రి ఒకే చోట మూడు రైళ్లు ప్రమాదానికి గురయ్యాయి. ఆగి ఉన్న గూడ్స్ రైలుని అదే ట్రాక్ పై వేగంగా వస్తున్న రైలు ఢీకొట్టింది. దీంతో బోగీలు ఎగిరి పక్క ట్రాక్ పై పడ్డాయి. అదే సమయంలో ఆ ట్రాక్ పై మరో రైలు వేగంగా వస్తుంది. బోగీలను ఢీకొట్టడంతో ఆ రైలు బోగీలు బోల్తా పడ్డాయి. ఈ ప్రమాద ఘటనలో 260 మందికి పైగా మరణించారు. వెయ్యి మందికి పైగా తీవ్రంగా గాయపడ్డారు. సహాయక చర్యలు ఇంకా కొనసాగుతూనే ఉన్నాయి. సోషల్ మీడియాలో ఎక్కడ చూసినా భయానక దృశ్యాలే కనిపిస్తున్నాయి. అయితే ఇవేమీ తెలియని హాస్యనటుడు రాహుల్ రామకృష్ణ ఒక వీడియో షేర్ చేసి నెటిజన్స్ ఆగ్రహానికి గురయ్యారు.

హాలీవుడ్ లెజెండరీ యాక్టర్ బస్టర్ కీటన్ నటించిన ఓ సైలెంట్ సినిమాలో రైలు సన్నివేశానికి సంబంధించి గిఫ్ ఇమేజ్ ని తన ట్విట్టర్ ఖాతాలో షేర్ చేశారు. దీంతో నెటిజన్స్ రాహుల్ రామకృష్ణపై ఆగ్రహం వ్యక్తం చేశారు. ఒక పక్క వందల మంది రైలు ప్రమాదంలో చనిపోతే మీకు కామెడీగా ఉందా? రైలు విన్యాసాలు షేర్ చేస్తున్నారేంటి అంటూ మండిపడ్డారు. వెంటనే రాహుల్ రామకృష్ణ ఆ ట్వీట్ ని తొలగించి క్షమాపణలు చెప్పారు. ‘మునుపటి ట్వీట్ విషయంలో నన్ను క్షమించండి. ఈ విషాదం గురించి నిజంగా నాకు తెలియదు. ఒట్టు. అర్ధరాత్రి నుంచి స్క్రిప్ట్ రాస్తున్నాను. వార్తలను ఫాలో అవ్వలేదు. క్షమించండి’ అంటూ ట్వీట్ చేశారు. దీంతో నెటిజన్స్ శాంతించారు.

‘మీ నిజాయితీని మెచ్చుకుంటున్నాను. మిమ్మల్ని ట్రోల్ చేయడానికి కాదు, ఆ ఘటన గురించి మీకు తెలియడానికి సమాచారం ఇవ్వాలనుకున్నాను అంటూ ఒక నెటిజన్ ట్వీట్ చేయగా దానికి రాహుల్ రామకృష్ణ స్పందించారు. ‘కృతజ్ఞతలు.. గత కొన్ని గంటలుగా నేను వార్తలను అనుసరించడం లేదు. నా పని మీద శ్రద్ధ పెట్టడానికే ప్రయత్నిస్తున్నాను. ఇది ఖచ్చితంగా తప్పే. నన్ను అలర్ట్ చేసినందుకు కృతజ్ఞతలు’ అంటూ రాహుల్ రామకృష్ణ సమాధానమిచ్చారు. ఆ ట్వీట్ ఏంటి అని ఒక నెటిజన్ అడుగగా.. ‘బస్టర్ కీటన్ నటించిన సైలెంట్ మూవీల్లో ట్రైన్ కి సంబంధించిన గిఫ్ షేర్ చేసిన ట్వీట్’ అంటూ రాహుల్ రామకృష్ణ సమాధానమిచ్చారు. మొత్తానికి తన తప్పు తెలుసుకుని క్షమాపణలు చెప్పారు. మరి దీనిపై మీ అభిప్రాయమేమిటో కామెంట్ చేయండి.

Terribly sorry about the previous tweet. I had no idea about the tragedy on the news. Promise. I’ve been writing a script since midnight and have been cut off from all forms of news. Very sorry, once again.

— Rahul Ramakrishna (@eyrahul) June 2, 2023