follow us:
అందరి తీరు ఒకటైతే పాన్ ఇండియా స్టార్ ప్రభాస్ తీరు మరోరకం అంటోంది సినీ ఇండస్ట్రీ. హీరోలు హీరోయిన్లను సిక్స్ ప్యాక్ బాడీతోనో లేక ఫ్రెండ్ షిప్ తోనో లేదా గ్లామర్ తో ఫిదా చేయడం చూస్తుంటాం. కానీ వాళ్లందరికంటే వెరైటీగా తనతో నటించే హీరోయిన్లకు మాంచి ఫుడ్ పెట్టి ఫిదా చేస్తున్నాడు ప్రభాస్. ఈ అలవాటు మొదటినుండే ఉన్నప్పటికీ డార్లింగ్ హీరోయిన్లను ట్రీట్ చేయడం గురించి ఈ మధ్యే సినీ వర్గాలలో చర్చలు నడుస్తున్నాయి.
ఇదీ చదవండి: F3: అదిరిపోయిన వెంకటేష్, వరణ్ తేజ్ ల ‘F3’ ట్రైలర్!
ప్రభాస్ ప్రస్తుతం సలార్, ప్రాజెక్ట్ కే, ఆదిపురుష్ సినిమాలు చేస్తున్న సంగతి తెలిసిందే. రెగ్యులర్ గా షూటింగ్స్ లో పాల్గొంటూ ఒక్కో సినిమాను ఫినిష్ చేస్తున్నాడు. అయితే.. ప్రభాస్ మంచి భోజనప్రియుడని ఫ్యాన్స్ అందరికి తెలిసిన విషయమే. తాను తినడమే కాకుండా చిత్రయూనిట్ మొత్తానికి మంచి భోజనం ఏర్పాటు చేస్తుంటాడు. ముఖ్యంగా తన పక్కన నటించే హీరోయిన్లకు ప్రభాస్ ఇంటి నుండి స్పెషల్ క్యారేజీలు వెళ్తుంటాయి.
ప్రస్తుతం డార్లింగ్.. నాగ్ అశ్విన్ దర్శకత్వంలో తెరకెక్కుతున్న ప్రాజెక్ట్-కే షూటింగ్ లో పాల్గొన్నాడు. ఈ సినిమాలో బాలీవుడ్ స్టార్ దీపికా పదుకొనే హీరోయిన్ కాగా, తాజాగా మరో బ్యూటీ దిశా పటాని వచ్చి చేరింది. అయితే.. ఇదివరకే దీపికాకి స్పెషల్ ఆంధ్రా స్టైల్ ఫుడ్ రుచి చూపించిన ప్రభాస్.. ఇప్పుడు దిశా పటానికి స్పెషల్ క్యారేజి పంపినట్లు తెలుస్తుంది. ప్రభాస్ పంపిన క్యారేజిని ఫోటోలు తీసి సోషల్ మీడియా(ఇన్ స్టాగ్రామ్ స్టోరీ)లో పోస్ట్ చేసింది దిశా. దిశా పోస్ట్ పై ప్రభాస్ ఫ్యాన్స్ స్పందిస్తూ.. మన డార్లింగ్ గురించి తెలిసిందేగా అంటూ కామెంట్స్ చేస్తున్నారు. ఇక ‘ప్రాజెక్ట్ కే’ సినిమాలో ఎలాంటి క్యారెక్టర్ లో కనిపించనుందో తెలియాల్సి ఉంది. మరి దిశా పటాని పోస్ట్ పై మీ అభిప్రాయాలను కామెంట్స్ లో తెలియజేయండి.
😂🤣🤣
Thank You #Prabhas For Spoiling Us
– #DishaPatani #ProjectK #NagAshwin pic.twitter.com/0FnNuzNvZq— Prabhas Official Fans Group (@prabhas_offcl) May 9, 2022
