follow us:
Rana: చిత్రపరిశ్రమలో ఒక భాషా చిత్రం మరో భాషలో రీమేక్ అవ్వడం అనేది సాధారణ విషయమే. ఒక భాషలో సినిమా బ్లాక్ బస్టర్ హిట్టై.. మంచి కంటెంట్ ఉందనిపిస్తే వెంటనే ఆ సినిమా రీమేక్ హక్కులను కొనుగోలు చేస్తున్నారు నిర్మాతలు. ఆ విధంగా తెలుగు సినిమాలు పరభాషలో.. పరభాషా సినిమాలు తెలుగులో ఎన్నో వచ్చాయి. ఇంకా తెరకెక్కుతూనే ఉన్నాయి. వాటితో పాటు తాజాగా మరో తమిళ సూపర్ హిట్ సినిమా తెలుగులో రీమేక్ కాబోతుంది.
తమిళంలో గతేడాది శింబు హీరోగా వెంకట్ ప్రభు తెరకెక్కించిన లూప్ స్క్రీన్ ప్లే బేస్డ్ యాక్షన్ థ్రిల్లర్ ‘మానాడు’. ఈ సినిమా తెలుగులో ‘ది లూప్’ అనే పేరుతో డబ్ అయ్యింది. అయితే.. 2021 నవంబర్ లో విడుదలైన ఈ తమిళ సినిమా బాక్సాఫీస్ వద్ద వంద కోట్లు కొల్లగొట్టి శింబు కెరీర్ లోనే బిగ్గెస్ట్ హిట్ గా నిలిచింది. ఇక సూపర్ హిట్ అనే టాక్ రాగానే టాలీవుడ్ స్టార్ ప్రొడ్యూసర్ సురేష్ బాబు.. మానాడు తెలుగు రీమేక్ హక్కులను కొనుగోలు చేశారు.
తమిళంలో థియేట్రికల్ రిలీజ్ అయినటువంటి ఈ సినిమా.. తెలుగులో ఓటిటిలో మాత్రమే విడుదలైంది. ఇక అప్పటినుండి ఫ్యాన్స్ లో ఈ సినిమాను తెలుగులో ఏ హీరోతో రీమేక్ చేస్తారా అనే ఆసక్తి నెలకొంది. అదీగాక మొదట్లో రవితేజ పేరు వినిపించినా.. చివరిగా అక్కినేని నాగచైతన్య పేరు తెరమీదకు వచ్చింది. అందరూ చైతూనే అని ఫిక్స్ అయిపోయారు. కానీ.. తాజాగా ఈ సినిమా రీమేక్ హీరోకి సంబంధించి ఓ క్రేజీ న్యూస్ వైరల్ అవుతోంది.
ఇక ఇండస్ట్రీ వర్గాల సమాచారం మేరకు.. మానాడు తెలుగు రీమేక్ లో రానా హీరోగా నటించనున్నాడు. దీనికి సంబంధించి అధికారిక ప్రకటన త్వరలోనే బయటికి రానుంది. ఈ నేపథ్యంలో మానాడు రీమేక్ మూవీని తెలుగులో ఎవరు డైరెక్ట్ చేస్తారు? కాస్ట్ అండ్ క్రూ ఎవరు? అనే వివరాలు తెలియాల్సి ఉంది. మరి మానాడు తెలుగు రీమేక్ పై మీ అభిప్రాయాలను కామెంట్స్ లో తెలియజేయండి.
Confirmed by #NagaChaitanya in a recent interview 👍 #Maanaadu @RanaDaggubati @chay_akkineni pic.twitter.com/QVxurTHwVz
— Fukkard (@Fukkard) July 19, 2022
