follow us:
NTR 31: జూ.ఎన్టీఆర్‌ అభిమానులు, సగటు సినిమా ప్రేమికులు ఎంతగానో ఎదురు చూస్తున్న క్రేజీ అప్‌డేట్‌ వచ్చేసింది. జూ.ఎన్టీఆర్‌- ప్రశాంత్ నీల్‌ పాన్‌ ఇండియా కాంబినేషన్‌కు సంబంధించిన అప్‌డేట్‌ విడుదలైంది. ఎన్టీఆర్‌ బర్త్‌డేను పురస్కరించుకుని శుక్రవారం ఎన్టీఆర్‌ 31కు సంబంధించిన అఫిషియల్‌ వివరాలతో పాటు పోస్టర్‌ను సైతం విడుదల చేశారు. మైత్రీ మూవీ మేకర్స్‌, ఎన్టీఆర్‌ ఆర్ట్స్‌ సంయుక్తంగా ఈ సినిమాను తెరకెక్కించనున్నాయి. 2023నుంచి రెగ్యులర్‌ షూటింగ్‌ ప్రారంభం కానుంది. ఎన్టీఆర్‌ 31పై చిత్ర దర్శకుడు ప్రశాంత్ నీల్‌ ట్విటర్‌ ద్వారా స్పందించారు. పోస్టర్‌తో పాటు ‘రక్తంతో తడిసిన నేల మాత్రమే గుర్తుంచుకోవటానికి అర్హమైనది.. అతని మట్టి.. అతని పాలన.. కానీ, రక్తం మాత్రం అతడిది కాదు’ అంటూ గూస్‌బంప్స్‌ మాటల్ని రాసుకొచ్చారు..
పీరియాడిక్ బ్యాక్ డ్రాప్‌లో జూ. ఎన్టీఆర్‌ 31
ఎన్టీఆర్‌-ప్రశాంత్ నీల్‌ పాన్‌ ఇండియా సినిమా పీరియాడిక్ బ్యాక్ డ్రాప్‌లో తెరకెక్కించబోతున్నట్టు సమాచారం. పాకిస్తాన్ – ఇండియా విడిపోయిన కాలంలో జరిగిన పరిస్థితులను.. ఇరుదేశాల మధ్య జరిగిన యుద్ధం థీమ్‌తో ఈ చిత్రం తెరకెక్కనుందని తెలుస్తోంది. మరోవైపు ఈ సినిమా న్యూక్లియర్‌ బాంబ్‌ నేపథ్యంలో తెరకెక్కుతోందనే వార్తలు కూడా ప్రచారంలో ఉన్నాయి. ఏది ఏమైనప్పటికి ఈ సినిమా కేజీఎఫ్‌ను మించి ఉండబోతోందని చెప్పటంలో ఎలాంటి సందేహం లేదు. ఈ కథపై దర్శకుడు ప్రశాంత్ ఎంతో శ్రద్ధ పెట్టి పనిచేస్తున్నారట. ఎన్టీఆర్‌ పాత్రను ఓ లెవెల్‌లో చూపించబోతున్నారట. 2024లో ఈ సినిమా ప్రేక్షకుల ముందుకు వచ్చే అవకాశం ఉంది. మరి, ఈ సినిమా ఎన్ని రికార్డులు బ్రేక్ చేసి, తిరగరాయబోతోందో వేచి చూడాల్సిందే. మరి, జూ. ఎన్టీఆర్‌ 31 పోస్టర్‌పై మీ అభిప్రాయాలను కామెంట్ల రూపంలో తెలియజేయండి.
𝑻𝒉𝒆 𝒐𝒏𝒍𝒚 𝒔𝒐𝒊𝒍 𝒕𝒉𝒂𝒕 𝒊𝒔 𝒘𝒐𝒓𝒕𝒉 𝒓𝒆𝒎𝒆𝒎𝒃𝒆𝒓𝒊𝒏𝒈 𝒊𝒔 𝒕𝒉𝒆 𝒐𝒏𝒆 𝒔𝒐𝒂𝒌𝒆𝒅 𝒊𝒏 𝒃𝒍𝒐𝒐𝒅!
𝐇𝐢𝐬 𝐬𝐨𝐢𝐥…. 𝐇𝐢𝐬 𝐫𝐞𝐢𝐠𝐧 …..
𝐁𝐮𝐭 𝐝𝐞𝐟𝐢𝐧𝐢𝐭𝐞𝐥𝐲 𝐧𝐨𝐭 𝐡𝐢𝐬 𝐛𝐥𝐨𝐨𝐝….@tarak9999 @MythriOfficial @NTRArtsOfficial pic.twitter.com/NNSw3O9zU6— Prashanth Neel (@prashanth_neel) May 20, 2022
