follow us:
Nayanthara Vignesh Shivan: సౌత్‌ ఇండియా లేడీ సూపర్‌ స్టార్‌ నయన తార, తమిళ దర్శకుడు విగ్నేష్ శివన్‌ల పెళ్లి ఈ ఉదయం అంగరంగ వైభవంగా జరిగింది. అతి తక్కువ మంది బంధువులు, సినీ సన్నిహితుల మధ్య ఈ పెళ్లి వేడుక ముగిసింది. బాలీవుడ్‌ బాద్‌షా షారుఖ్‌ ఖాన్‌నుంచి సూపర్‌ స్టార్‌ రజనీ కాంత్‌ వరకు ప్రముఖులంతా ఈ పెళ్లికి హాజరై నూతన దంపతులను ఆశీర్వదించారు. ప్రస్తుతం ఈ పెళ్లికి హాజరైన సెలెబ్రిటీల ఫొటోలు కొన్ని సోషల్‌ మీడియాలో వైరల్‌గా మారాయి. వాటితో పాటు ఓ మహిళ వీడియో కూడా సోషల్‌ మీడియాలో వైరల్‌గా మారింది. ఆ మహిళ ఎవరో కాదు.. విగ్నేష్ శివన్ పెద్దమ్మ. ( WikkiNayanWedding: వైభవంగా నయనతార- విగ్నేష్ శివన్ పెళ్లి! ఫోటో వైరల్!)
విగ్నేష్ శివన్ తమ కుటుంబాన్ని పెళ్లికి పిలవలేదంటూ ఆమె ఓ ఇంటర్వ్యూలో ఆవేదన వ్యక్తం చేశారు. ఆమె మాట్లాడుతూ.. ‘‘ నేను విగ్నేష్ శివన్ సొంత పెద్దనాన్న భార్యను. ఈ రోజు పెళ్లని చెప్పారు. ఎలాగ ఉన్నా .. మమ్మల్ని పెళ్లికి పిలుస్తారని అనుకున్నా. అతను రానేలేదు.. మమ్మల్ని పెళ్లికి పిలవలేదు. ఏదోలా ఉంది. మా ఇంటికి విందుకు వచ్చినా సంతోషపడతా.. అది జరుగుతుందో లేదో అర్థం కావటం లేదు. ఎక్కడ ఉన్నా సంతోషంగా ఉండాలనుకున్నా.. ( Nayanthara Vignesh Shivan Marriage: వివాహ బంధంతో ఒక్కటయిన నయనతార-విఘ్నేష్‌ శివన్! ప్రత్యేక ఆకర్షణగా వాటర్‌ బాటిల్స్‌!)
పెళ్లికి పిలిస్తే కచ్చితంగా పోవాలనుకున్నా. అది కూడా జరగలేదు. మేము అతని గురించి ఆలోచిస్తున్నాము.. కానీ, అతను మా గురించి అలా అనుకుంటున్నాడో లేదో.. చిన్నప్పుడు ప్రతీ సెలవులకు తండ్రితో కలిసి మా ఇంటికి వచ్చేవాడు. ఎంతకాదనుకున్నా వాళ్ల పెద్దనాన్న రక్తమే కదా.. వాళ్ల అమ్మానాన్న అయినా మాకు మర్యాద ఇవ్వాలని చెప్పాల్సింది. ఏం చెప్పారో తెలీదు. అతను రాలేదు. కుల దైవం గుడికి తీసుకుపోదాం అని నేనే చెప్పా.. కానీ, నన్ను తీసుకెళ్లకుండానే వాళ్లు వెళ్లారు. బాధగా ఉంది’’ అంటూ ఆవేదన వ్యక్తం చేశారు. మరి, సొంత పెద్దమ్మను విగ్నేష్ పెళ్లికి పిలవకపోవటంపై మీ అభిప్రాయాలను కామెంట్ల రూపంలో తెలియజేయండి.
ఇవి కూడా చదవండి : Nayantara: కాబోయే భర్త కోసం నయన్ రూ.20 కోట్ల విలువైన సర్పైజ్ గిఫ్ట్!
