టాలీవుడ్ నటసింహం నందమూరి బాలకృష్ణ ప్రస్తుతం వరుస సినిమాలతో బిజీగా ఉన్నాడు. అఖండ విజయం ఇచ్చిన ఊపుతో బాలయ్య తదుపరి సినిమాలను గట్టిగానే ప్లాన్ చేస్తున్నాడు. ఇప్పటికే క్రాక్ డైరెక్టర్ గోపీచంద్ మలినేనితో 107వ సినిమా చేస్తున్న బాలయ్య.. తదుపరి తన 108వ సినిమాను దర్శకుడు అనిల్ రావిపూడితో చేయనున్నాడు. ఈ క్రమంలో 108వ సినిమాకు సంబంధించి తాజాగా అనౌన్స్ మెంట్ వీడియో రిలీజ్ చేశాడు డైరెక్టర్ అనిల్.
ఇక షైన్ స్క్రీన్స్ బ్యానర్ పై హరీష్ పెద్ది, సాహూ గారపాటి నిర్మించనున్న ఈ చిత్రానికి బాక్సాఫీస్ వద్ద వరుస మ్యూజికల్ హిట్స్ తో దూసుకుపోతున్న తమన్ సంగీతం అందించనున్నాడు. బాలయ్య, అనిల్ రావిపూడి కలయికలో సినిమా అనగానే అటు నందమూరి ఫ్యాన్స్ కి, ఇటు ప్రేక్షకులలో అంచనాలు పెరిగిపోయాయి. ఇక ఇప్పుడు ‘NBK108’ అంటూ అఫీషియల్ అనౌన్స్ మెంట్ వదిలేసరికి ఫ్యాన్స్ కి మాస ఫీస్ట్ అయిందనే చెప్పాలి. అనౌన్స్ మెంట్ వీడియోకే తమన్ బ్యాక్ గ్రౌండ్ మ్యూజిక్ అదరగొట్టాడు.
ఇదిలా ఉండగా.. ”నటసింహం నందమూరి బాలకృష్ణ గారిని ఇంతకు ముందు ఎప్పుడూ చేయనటువంటి పాత్రలో చూపించే అవకాశం లభించినందుకు ఎప్పటికీ కృతజ్ఞుడిగా ఉంటాను. సూపర్ థ్రిల్లింగ్ గా ఉంది” అని అనిల్ రావిపూడి తన పోస్ట్ లో పేర్కొన్నాడు. ఇక ఈ సినిమా తండ్రీకూతురు మధ్య అనుబంధం నేపథ్యంలో తెరకెక్కనుందని సమాచారం. ఇక బాలయ్య, తమన్ కాంబినేషన్ లో వస్తున్న 4వ సినిమా ఇది. హీరోయిన్ అంజలి, శ్రీలీల సినిమాలో నటిస్తున్నారని టాక్. మరి బాలయ్య 108వ మూవీ అనౌన్స్ మెంట్ పై మీ అభిప్రాయాలను కామెంట్స్ లో తెలియజేయండి.
Eternally Grateful & Super Thrilled to show our NATA SIMHAM #NandamuriBalakrishna garu in a never before role❤️🔥
Happy to be joining hands with the Musical Sensation, dear brother @MusicThaman ⚡️& @ShineScreens for this Exciting Endeavour #NBK108 @sahugarapati7 @harish_peddi pic.twitter.com/apAdRVLjD9
— Anil Ravipudi (@AnilRavipudi) August 11, 2022
