follow us:
సూపర్ స్టార్ కృష్ణపై ఈ నెల 15న గుండెపోటుతో మరణించిన విషయం తెలిసింది. ఆయన మరణంతో సినీ పరిశ్రమ ఒక్కసారిగా కన్నీటి సంద్రంలో మునిగిపోయింది. ఇక ఆయన మరణవార్త తెలియగానే ఎందరో సినీ నటులతో పాటు రాజకీయ ప్రముఖులు సైతం ఆయన భౌతికకాయానికి నివాళులర్పించారు. తల్లి ఇందిరా దేవి మరణాన్ని మరువకముందే తండ్రి కృష్ణ మరణించడంతో మహేష్ బాబు తీవ్ర మనోవేదనకు గురయ్యారు. ఇకపోతే కృష్ణ మరణానంతరం ఆయన కుటుంబ సభ్యులు ఆదివారం పెద్ద కర్మను నిర్వహించారు. ఈ కార్యక్రమానికి అభిమానులతో పాటు ఎందరో సినీ ప్రముఖులు హాజరయ్యారు. ఈ కార్యక్రమంలో మహేష్ బాబు అభిమానులకు భోజనాలు కూడా ఏర్పాటు చేశారు.
అయితే ఈ సందర్భంగా తనయుడు మహేష్ బాబు మాట్లాడుతూ.. ఎమోషనల్ అయ్యారు. నాన్న నాకు ఎన్నో ఇచ్చారు. ఇందుకు ఆయనకు నేను ఎప్పటికీ రుణపడి ఉంటాను. నాన్న గారు ఎప్పటికీ నా గుండెల్లో, మీ గుండెల్లో బతికే ఉంటారని మహేష్ బాబు ఎమోషనల్ అయ్యారు. ఇక మహేష్ బాబుతో పాటు కృష్ణ సోదరుడు శేషగిరిరావు సైతం ఆయనతో ఉన్న అనుబంధాన్ని గుర్తు చేసుకుని ఎమోషనల్ అయ్యారు. ఇదిలా ఉంటే తన మామ అయిన కృష్ణ పెద్దకర్మను పురస్కరించుకుని కోడలు నమ్రత తన ఇన్ స్టాగ్రామ్ లో ఓ ఎమోషనల్ వీడియోను పోస్ట్ చేసి ఆయనకు నివాళులర్పించారు. ఈ పోస్టులో నమత్ర.. ఆయనో ఎవర్ గ్రీన్ స్టార్, ఎన్నింటికో పునాది వేసి నిజమైన ట్రెండ్ సెట్టర్ గా నిలిచారు.
ఇక సినీ పరిశ్రమలో ఎన్నో ఫస్ట్ లు పరిచయం చేసి గొప్ప గొప్ప విషయాలు తెలియజేశారు. ఇక నుంచి మీ లెగసిని మేము ముందుకు తీసుకెళ్తాం. మేము ఎప్పటికీ ప్రేమిస్తూనే ఉంటాం మామయ్యగారు అంటూ మహేష్ బాబు భార్య నమ్రత రాసుకొచ్చింది. ఈ వీడియోలో కృష్ణ నటించిన అన్ని రకాల పాత్రలను చూపిస్తూ నమ్రత ఎమోషనల్ వీడియోను పోస్ట్ చేశారు. తాజాగా పోస్ట్ చేసిన ఈ వీడియో సోషల్ మీడియాలో కాస్త వైరల్ గా మారింది.
View this post on Instagram
