follow us:
ఈ మధ్యకాలంలో పెళ్లీడుకి వచ్చిన సినీ సెలబ్రిటీలంతా సైలెంట్ గా పెళ్లి పీటలెక్కేస్తున్నారు. ఇంతకాలం సినిమాలలో, వెబ్ సిరీస్ లలో మెరిసిన తారలు ఒక్కసారిగా పెళ్లి వార్త చెప్పేసరికి ఫ్యాన్స్ కూడా సర్ప్రైజ్ కి గురవడం మామూలే. అయితే.. టాలీవుడ్ లో చైల్డ్ ఆర్టిస్ట్ గా ఎన్నో సినిమాలు చేసి.. పెద్దయ్యాక హీరోయిన్ గా మెరిసిన బ్యూటీలు చాలామంది ఉన్నారు. అలాంటి వారు హీరోయిన్స్ గా కొన్నేళ్లపాటు ఇండస్ట్రీలో కొనసాగుతారేమో అనుకుంటే.. ఎప్పటికప్పుడు కొత్తవాళ్లు హీరోయిన్స్ గా ఎంట్రీ ఇస్తుండటంతో చైల్డ్ ఆర్టిస్ట్ నుండి ఇంతవరకు ఎదిగిన బ్యూటీలు కనుమరుగు అవుతున్నారు. తాజాగా టాలీవుడ్ లో చైల్డ్ ఆర్టిస్ట్ గా పలు సూపర్ హిట్ సినిమాలు చేసిన సుహాని కలిత.. అదేనండీ ‘మనసంతా నువ్వే’లో చిన్నప్పటి హీరోయిన్ గా నటించింది కదా ఆ అమ్మాయి.
ఈ బ్యూటీ చాలా తెలుగు సినిమాలో చైల్డ్ ఆర్టిస్ట్ గా చేసి మంచి గుర్తింపు దక్కించుకుంది. పెద్దయ్యాక హీరోయిన్ గా కూడా కంటిన్యూ అవుతుందేమోనని అందరూ అనుకున్నారు. అనుకున్నట్లుగానే 2007లో సవాల్ అనే సినిమాతో హీరోయిన్ గా డెబ్యూ చేసింది. ఆ తర్వాత కూడా పలు సినిమాలు చేసినప్పటికీ, తగిన హిట్ రాలేదు. చివరిగా స్నేహగీతం(2010) సినిమాలో కనిపించి ఇండస్ట్రీకి దూరమైంది సుహాని. అయితే.. దాదాపు 12 సంవత్సరాల తర్వాత మళ్లీ సుహాని పేరు పెళ్లి వార్తతోనే బయటికి రావడం గమనార్హం. మరి ఇన్నేళ్ళపాటు ఏమైందో తెలియదు.. కానీ, సోషల్ మీడియాలో కూడా పెద్దగా యాక్టీవ్ గా ఉండట్లేదు. ఇక హైదరాబాద్ లో పుట్టిపెరిగిన సుహాని.. మ్యూసిషన్, మోటివేషనల్ స్పీకర్ విభోర్ హసీజను పెళ్లి చేసుకున్నట్లు తెలుస్తుంది.
ప్రస్తుతం సుహాని, విభోర్ పెళ్లికి సంబంధించి సోషల్ మీడియాలో ఫోటోలు చక్కర్లు కొడుతున్నాయి. మరి వీరిది ప్రేమ పెళ్లా లేక అరేంజ్ మ్యారేజా అనేది తెలియాల్సి ఉంది. ఇదిలా ఉండగా.. సుహాని తెలుగులో బలరామాయణం, గణేష్, ప్రేమంటే ఇదేరా, మనసంతా నువ్వే, ఎదురులేని మనిషి, హిందూస్తాన్ ది మదర్, ఆనందమానందమాయే సినిమాలతో పాటు అటు హిందీలో 5.. మలయాళం, బెంగాలీ భాషలలో ఒక్కో సినిమా చేసింది. అలాగే కెరీర్ పరంగా ‘హిందూస్తాన్ ది మదర్’ మూవీకి గాను బెస్ట్ చైల్డ్ ఆర్టిస్ట్ గా సుహాని నంది అవార్డ్ అందుకుంది. మరి తెలుగు ప్రేక్షకులకు సుపరిచితురాలైన సుహాని కలిత పెళ్లి వార్తపై మీ అభిప్రాయాలను కామెంట్స్ లో తెలియజేయండి.
View this post on Instagram
View this post on Instagram
View this post on Instagram
