follow us:
ఆంధ్రపదేశ్‌ లో గత కొన్ని రోజులుగా కొనసాగిన సినిమా టికెట్ల వివాదానికి ఏపీ ప్రభుత్వం ముగింపు పలికింది. ప్రాంతాల వారీగా టికెట్‌ ధరలు నిర్ణయిస్తూ.. కొత్త జీవో జారీ చేసిన సంగతి తెలిసిందే. ఈ సందర్భంగా ఏపీ సీఎం వైఎస్‌ జగన్‌కు మెగాస్టార్‌ చిరంజీవి, ప్రభాస్ సోషల్ మీడియా వేదికగా కృతజ్ఞతలు తెలిపారు. తాజాగా ఇప్పుడు వైఎస్‌ జగన్‌కు కృతజ్ఞతలు తెలుపుతూ సూపర్‌స్టార్‌ మహేష్ బాబు ట్విట్టర్‌లో స్పందించారు.
“ సినిమా టికెట్ల రేట్లకు సంబంధించి, కొత్త జీవో విడుదల చేసి సమస్యలు పరిష్కరించినందుకు ఏపీ ముఖ్యమంత్రి శ్రీ వైయస్ జగన్ గారికి నా హృదయపూర్వక ధన్యవాదాలు. పేర్ని నాని గారు.. రాబోయే రోజుల్లో ప్రభుత్వానికి, తెలుగుసినీ ఇండస్ట్రీకి మధ్య ఆరోగ్యకరమైన బంధం కొనసాగుతుందని ఎదురు చూస్తున్నాము” అని మహేష్ ట్వీట్ చేశాడు. మహేష్ చేసిన ట్వీట్ ఇప్పుడు సోషల్ మీడియాలో వైరలవుతోంది. కొన్ని రోజుల క్రితం చిరంజీవి, మహేష్ బాబు, ప్రభాస్ వంటి స్టార్ హీరోలతో కూడిన టాలీవుడ్ బృందం తెలుగు చిత్రసీమ సమస్యలను ఏపీ ముఖ్యమంత్రి ముందుకు తీసుకొచ్చిన విషయం తెలిసిందే.
My heartfelt thanks to the CM of AP Sri @ysjagan garu for hearing our concerns and addressing them through the new G.O and revised ticket rates. 🙏🙏
We look forward to a mutually strong and healthy support between the govt. and the TFI in the days to come @perni_nani garu. 🙏
— Mahesh Babu (@urstrulyMahesh) March 8, 2022
