follow us:
సూపర్ స్టార్ మహేష్ బాబు.. దాదాపు 16 ఏళ్ల తర్వాత మళ్లీ అలా చేసేందుకు రెడీ అయిపోయాడు. తాజాగా రిలీజ్ చేసిన SSMB28 ఫస్ట్ లుక్ చూస్తుంటే అదే అనిపిస్తుంది. ఇంతకీ మహేష్ చేస్తున్న ఆ పనేంటి? తెలియాలంటే ఈ స్టోరీ చదివేయాల్సిందే.
మహేష్ బాబు- త్రివిక్రమ్.. ఇది కేక పుట్టించే కాంబినేషన్. వీళ్లిద్దరూ కలిసి ‘అతడు’, ‘ఖలేజా’ సినిమాలు చేశారు. ఇవి రిలీజ్ టైంలో థియేటర్లలో సరిగా సక్సెస్ కాలేదు. కానీ ఆ తర్వాత మాత్రం కల్ట్ స్టేటస్ సంపాదించాయి. టీవీ, యూట్యూబ్.. ఎక్కడైనా సరే ప్రేక్షకులు దీన్ని రిపీట్స్ లో చూస్తుంటారు. దీంతో మహేష్-త్రివిక్రమ్ మళ్లీ ఎప్పుడొస్తుందా అని ఫ్యాన్స్ తెగ వెయిట్ చేశారు. వాళ్ల కోరిక #SSMB28తో తీరింది. ఆల్రెడీ షూటింగ్ జరుగుతున్న ఈ మూవీ రిలీజ్ పై ఇప్పుడు క్రేజీ అప్డేట్ వచ్చేసింది. మహేష్ ఫస్ట్ లుక్ ని కూడా రిలీజ్ చేశారు.
ఇక వివరాల్లోకి వెళ్తే.. మహేష్-త్రివిక్రమ్ హ్యాట్రిక్ మూవీని తొలుత ఈ ఏడాది ఆగస్టు 11న రిలీజ్ చేస్తామని ప్రకటించారు. అయితే షూటింగ్ ఆలస్యం అవుతుండటంతో ఆ డేట్ కాస్త ఇప్పుడు సంక్రాంతికి మారింది. 2024 జనవరి 13న ఈ మూవీ థియేటర్లలోకి వస్తుందని నిర్మాత నాగవంశీ ట్వీట్ చేశారు. మహేష్ సిగరెట్ కాలుస్తూ నడుస్తూ ఉన్న ఫస్ట్ లుక్ ని కూడా రిలీజ్ చేశారు. మిర్చి గాల్లోకి ఎగురుతుండగా మహేష్ స్టైల్ గా నడుస్తూ వస్తున్న లుక్ సినిమాపై అంచనాల్ని ఓ రేంజులో పెంచేస్తోంది. ఇప్పుడు ఈ చిత్రం కోసం మహేష్ మళ్లీ చాలా ఏళ్ల తర్వాత అలా చేయబోతున్నట్లు అర్థమైపోయింది.
మహేష్ బాబు సినిమాల్లో స్మోకింగ్ చేయడు. ‘ఒక్కడు’, ‘పోకిరి’, ‘అతిథి’.. వీటిలో మాత్రమే సిగరెట్ తాగుతూ కనిపించాడు. ఆ తర్వాత పూర్తిగా స్క్రీన్ పై అలా కనిపించడం మానేశాడు. మళ్లీ ఇన్నేళ్లకు అంటే.. ‘అతిథి’ రిలీజైన 16 ఏళ్లకు రాబోతున్న త్రివిక్రమ్ సినిమా కోసం మూవీలో సిగరెట్ తాగబోతున్నాడు. ఫస్ట్ లుక్ లో అదే చూపించారు. ఇది చూసిన ఫ్యాన్స్.. బాబు బ్లాక్ బస్టర్ కొట్టడం ఈసారి గ్యారంటీ అని అప్పుడే మాట్లాడేసుకుంటున్నారు. ఇదిలా ఉండగా ఇప్పటికే సంక్రాంతి బరిలో ప్రభాస్ ఉండగా, ఇప్పుడు మహేష్ చేరాడు. బహుశా రామ్ చరణ్ ‘గేమ్ ఛేంజర్’ కూడా సంక్రాంతి బరిలో ఉండొచ్చని అనిపిస్తోంది. ఒకవేళ ఇదే నిజమైతే మాత్రం బాక్సాఫీస్ కి బ్యాండ్ గ్యారంటీ. మరి మహేష్, 16 ఏళ్ల తర్వాత సినిమాలో స్మోక్ చేయడం గురించి మీరేం అనుకుంటున్నారు. కింద కామెంట్ చేయండి.
The Reigning Superstar @urstrulymahesh in an all new MASS avatar is all set to meet you with #SSMB28 in theatres from 13th January 2024 worldwide! 🤩#SSMB28FromJAN13 🎬🍿#Trivikram @hegdepooja @sreeleela14 @MusicThaman @vamsi84 #PSVinod @NavinNooli #ASPrakash @haarikahassine pic.twitter.com/qqXjnJphqH
— Haarika & Hassine Creations (@haarikahassine) March 26, 2023
