ప్రభు కోసం నా గుండె ఎప్పుడూ కొట్టుకుంటోంది : ఖుష్భు

టాలీవుడ్, కోలీవుడ్‌లో మెప్పించిన తార ఖుష్బు. అప్పట్లో ఆమె పెను సంచలనం. చిన్న వయస్సులోనే సినిమా ఇండస్ట్రీలోకి వచ్చి ఓ కుదుపు కుదిపేసింది. 1986లో వచ్చిన కలియుగ పాండవులతో ఆమె సినీ కెరీర్ ప్రారంభమైంది. ఆ తర్వాత కోలీవుడ్‌కు వెళ్లి తన సత్తా చాటుకుంది. ఆమె నటనను మెచ్చిన అభిమానులు గుండెల్లోనే కాదూ.. నిజంగానే ఆమెకు గుడి కట్టారు. 90వ దశకంలో తన అందం, అభినయంతో స్టార్‌ హీరోయిన్‌గా క్రేజ్ తెచ్చుకున్నారు. దక్షిణాది భాషలన్నింటిలోనూ ఆమె పేరు తెచ్చుకున్నారు. అయితే ఇటీవల ఆమె వరుసగా వార్తల్లో నిలుస్తున్నారు. ఇటీవల బీజెపీలో చేరిన ఆమె.. జాతీయ మహిళా కమిషన్ సభ్యురాలిగా ఎన్నికయ్యారు. అయితే తన తండ్రి తనను లైంగికంగా వేధించాడని సెన్సేషన్ కామెంట్స్ చేశారు. ఆ తర్వాత ఆమె వ్యక్తిగత జీవితానికి సంబంధించిన విషయం ఇప్పుడు చర్చనీయాంశమైంది.

అదే తమిళ నటుడు ప్రభుతో ప్రేమ, పెళ్లి వ్యవహారం ఇప్పుడు హాట్ టాపిక్‌గా మారింది. చిన్న తంబి సినిమాలో వీరిద్దరూ కలిసి నటించగా.. పీకల్లోతు ప్రేమలో మునిగి తేలారు. అయితే 1993లో వీరిద్దరూ పెళ్లి చేసుకున్నారు. అయితే అప్పటికే ప్రభుకి వివాహం కాగా, ఆయన తండ్రి, ప్రముఖ నటుడు శివాజీ గణేషన్ వీరి పెళ్లిని అంగీకరించలేదు. దీంతో వీరి మధ్య గొడవలు మొదలయ్యాయి. దీంతో నాలుగు నెలలకే వీరు విడిపోగా.. 2000వ సంవత్సరంలో దర్శకుడు సి.సుందర్‌ను వివాహం చేసుకున్నారు ఖుష్బు. వీరికి ఇద్దరు ఆడపిల్లలు. అయితే ఇప్పుడు ఖుష్బు తాజాగా చేసిన ఓ పోస్టు వైరల్‌గా మారింది. మాజీ భర్త, నటుడు ప్రభుతో దిగిన ఫోటోను ఆమె నెట్టింట్లో షేర్ చేసింది. అసలు ఏమైందంటే..?

1991లో ప్రభు, ఖుష్బు జంటగా ప్రముఖ దర్శకుడు పి. వాసు తెరకెక్కిన చిత్రం చిన తంబీ (తెలుగులో చంటి రీమేక్ చేశారు). ఈ సినిమా అప్పట్లో బ్లాక్ బస్టర్ హిట్ కొట్టింది. ఈ సినిమాతోనే ఖుష్బు కోలీవుడ్ స్టార్ హీరోయిన్ రేంజ్‌కు ఎదిగారు. అయితే ఈ సినిమా ఏప్రిల్ 12తో విడుదలై 32 సంవత్సరాలు అవుతుంది. ఈ సందర్భంగా ఖుష్బు ఎమోషనల్ పోస్టు చేశారు. ‘చిన్నతంబి సినిమా చేసి అప్పుడే 32 ఏళ్లు అయిందంటే అసలు నమ్మలేకపోతున్నా. నాపై కురిపించిన ప్రేమకు ఎప్పుడూ మీ అందరికీ రుణపడి ఉంటా. వాసు, ప్రభు కోసం నా గుండె ఎప్పుడూ కొట్టుకుంటూనే ఉంటుంది. మనసులను కదిలించే సంగీతాన్ని అందించిన ఇళయరాజా సర్‌కు.. అలాగే కె.బాలుకి ఎప్పటికీ నా హృదయపూర్వక కృతజ్ఞతలు. నందిని (సినిమాలో ఖుష్బు పేరు) ప్రతి ఒక్కరి హృదయాలలో శాశ్వతంగా నిలిచిపోయింది. మీ అందరికీ మరోసారి ధన్యవాదాలు’ అని ఎమోషనల్‌గా రాసుకొచ్చారు. వాసు, ప్రభుతో దిగిన ఫోటోను షేర్ చేసుకున్నారు. దీంతో పలువురు అభిమానులు, నెటిజన్లు ఆమెకు అభినందనలు, శుభాకాంక్షలు తెలుపుతున్నారు.

Just can’t believe it’s been 32 yrs since #ChinnaThambi took tamil cinema by storm. Will always be indebted for the love showered upon me. My heart will always beat for #PVasu Sir & #Prabhu Sir. Forever grateful to #Illaiyaraja Sir for his soul stirring music n Late #KBalu for… pic.twitter.com/EDxxKwnDaN

— KhushbuSundar (@khushsundar) April 12, 2023