బాలీవుడ్ సినిమాలపై కిచ్చా సుదీప్ షాకింగ్ కామెంట్స్!

కన్నడ స్టార్ హీరో కిచ్చా సుదీప్ బాలీవుడ్ ఇండస్ట్రీ, హిందీ భాషపై చేసిన వ్యాఖ్యలు అటు ఇండస్ట్రీ వర్గాలలో, సోషల్ మీడియాలో సంచలనంగా మారాయి. తాజాగా ఓ సినిమా ప్రెస్ మీట్ లో పాల్గొన్న సుదీప్.. కేజీఎఫ్‌ 2, సౌత్ సినిమాలపై ప్రశంసలు కురిపిస్తూ బాలీవుడ్ సినిమాలపై స్పందించాడు. సుదీప్ మాట్లాడుతూ.. “ఓ కన్నడ సినిమాను పాన్ ఇండియాగా తెరకెక్కించారని ఎవరో అంటున్నారు. ఇందులో ఒక చిన్న కరెక్షన్ ఉంది.

ఇకపై హిందీ ఏమాత్రం జాతీయ భాష కాదకాదు. ఇప్పుడు బాలీవుడ్‌ ఎన్నో పాన్‌ ఇండియా సినిమాలను నిర్మిస్తోంది. అలాగే హిందీ సినిమాల‌ను తెలుగు, తమిళంలో డబ్ చేసేందుకు బాలీవుడ్ ట్రై చేస్తోంది. అయితే.. బాలీవుడ్ సినిమాలు ఇక్కడ అంతగా విజయం సాధించలేకపోతున్నాయి. కానీ మనం తీస్తున్న సినిమాలను మాత్రం ప్రపంచం మొత్తం చూస్తున్నారు” అని చెప్పుకొచ్చాడు. ప్రస్తుతం సుదీప్ మాటలు సోషల్ మీడియాలో వైరల్ అవుతున్నాయి.

ఇదిలా ఉండగా.. ఈగ సినిమాతో తెలుగు ప్రేక్షకులకు పరిచయమయ్యాడు సుదీప్. ఆ తర్వాత తెలుగులో బాహుబలి, సైరా నరసింహరెడ్డి సినిమాల్లో కనిపించాడు. ప్ర‌స్తుతం సుదీప్ హీరోగా ‘విక్రాంత్ రోణ’ అనే పాన్ ఇండియా సినిమా చేస్తున్నాడు. ప్రపంచవ్యాప్తంగా ఈ సినిమా జూలై 28న విడుదల కానుంది. ఇక ప్రస్తుతం సుదీప్ మాట్లాడిన వీడియో కూడా నెట్టింట హల్చల్ చేస్తోంది. సుదీప్ మాటలపై బాలీవుడ్ నుండి ఎలాంటి స్పందన వస్తుందో చూడాలి. మరి సుదీప్ మాటలపై మీ అభిప్రాయాలను కామెంట్స్ లో తెలియజేయండి.

Kannada Actor @KicchaSudeep said ,”correct it,Hindi is no more the National Language, its no more a National language”!
In a film launch & a huge applause from the crowd & the media.

Hope the efforts of Kannada activists are reaching the intended places.👏👏#stophindilmposition pic.twitter.com/qpj06HJseG

— ರವಿ-Ravi ಆಲದಮರ (@AaladaMara) April 23, 2022

• మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.