ఇండస్ట్రీలో విషాదం.. నటి సోదరుడు మృతి!

గుండెపోటుతో ప్రాణాలు కోల్పోతున్న వారి సంఖ్య అంతకంతకూ పెరుగుతోంది. అందులోనూ వయస్సుతో సంబంధం లేకుండా యువకులు సైతం సడన్ హార్ట్ ఎటాక్ కు గురై ప్రాణాలు కోల్పోతున్నారు. జిమ్ చేస్తూ ఒకరు, షెటిల్ ఆడుతూ మరొకరు, సినిమా చూస్తూ ఇంకొకరు.. ఇలా అన్నిచోట్లా ఈ మృత్యువు దర్శనమిస్తోంది. ఇవాళ ఆరోగ్యంగా ఉన్నవారు రేపు ప్రాణాలతో ఉంటారో.. ఉండరో తెలియని పరిస్థితి. ఇలానే ఓ నటి సోదరుడు గుండెపోటుతో మరణించాడు.

కన్నడ నటి అనితా భట్ సోదరుడు నిన్న గుండెపోటుతో మరణించాడు. ఎప్పుడూ ఆరోగ్యంగా ఉండే అతడు ఉన్నట్టుండి సడన్ హార్ట్ ఎటాక్ కు గురై ప్రాణాలు కోల్పోవటం వారి కుటుంబాన్ని విషాదంలోకి నెట్టింది. ఈ క్రమంలో అతని సోదరి, నటి అనితా భట్ అతన్ని తలుచుకొని కన్నీటి పర్యంతమైంది. సోదరుడితో కలిసి ఉన్న చిన్ననాటి ఫోటోను పంచుకున్న నటి అతని పవిత్ర ఆత్మకు శాంతి చేకూరాలని కోరుకుంది. “నిన్న నా గుండె ముక్కలైంది. కార్డియాక్ అరెస్ట్ కారణంగా మా సోదరుడు మమ్మల్ని విడిచిపెట్టి వెళ్ళిపోయాడు. ఆ విషాదాన్ని మాటల్లో వర్ణించలేను. అతను తిరిగి రాడనే చేదు నిజం మనం అంగీకరించాలి. అతని పవిత్ర ఆత్మకు శాంతి చేకూరాలని కోరుకుంటున్నాను.ఈ సమయంలో నా సోదరుడిని మీ ఆశీస్సులు కావాలి..ఆశీర్వదించండి ” అంటూ నటి భావోద్వేగానికి లోనైంది.

A piece of my heart tore apart yesterday. My brother left us due to cardiac arrest. No words can explain the pain we are going through and the bitter truth we need to accept is he won’t come back. Please bless him to get Sadgati. Need lots of yours blessing now 🙏🏻 pic.twitter.com/Ww9QOs1wog

— Anita Bhat (@IamAnitaBhat) April 10, 2023

అనితా భట్ 2008లో సైకో అనే సినిమాతో కన్నడ చిత్ర పరిశ్రమలోకి అడుగుపెట్టింది. ఆ తరువాత ఆమె దశవాల, సిల్క్, సుగ్రీవ, పరపంచ, రాజ్ బహదూర్, టగరు, డేస్ బోరాపూర్, హోసా క్లైమాక్స్ వంటి అనేక చిత్రాలలో కనిపించింది. గుండెపోటుతో ప్రాణాలు కోల్పోయిన నటి సోదరుడి పవిత్ర ఆత్మకు శాంతి చేకూరాలని మనమూ కోరుకుందాం.. వరుసగా చోటుచేసుకుంటున్న గుండెపోటు మరణాలపై.. మీ అభిప్రాయాలను కామెంట్ల రూపంలో తెలియజేయండి.