నందమూరి నట వారసుడిగా టాలీవుడ్ ఇండస్ట్రీలోకి అడుగుపెట్టిన యంగ్ టైగర్ జూనియర్ యన్టీఆర్ అనేక చిత్రాల్లో నటిస్తూ తాతకు తగ్గ మనవడు అనిపించుకుంటున్నారు. అలా తెలుగు ప్రజల మనసులో ప్రత్యేక స్థానం సంపాందిచుకున్నారు. ఇక యన్టీఆర్ సినిమాల్లోనే కాదు నిజ జీవితంలోనూ హీరోనే అని చాలా సార్లు అనిపించుకున్నారు. యన్టీఆర్ అనేక సేవ కార్యక్రమాల్లో పాల్గొనే సంగతి మనకు తెలిసిందే. ముఖ్యంగా తన అభిమానులకు ఆపద వస్తే ఆదుకోవడంలో ఆయన ఎప్పుడు ముందుంటారు. తాజాగా అనారోగ్యంతో ప్రాణాపాయ స్థితిలో ఉన్న తన అభిమానితో మాట్లాడి అతడిలో ధైర్యాన్ని నింపాడు. అతడి కుటుంబతో మాట్లాడిన యన్టీఆర్ వారికి అండగాఉంటానని భరోసా ఇచ్చారు. దీనికి సంబంధించి వీడియో ప్రస్తుతం సోషల్ మీడియాలో వైరల్ అవుతోంది. వివరాల్లోకి వెళ్తే…
జనార్ధన్ అనే అభిమాని తీవ్ర అనారోగ్యంతో బాధపడుతున్నాడు. ప్రస్తుతం ఓ ఆస్పత్రిలో చికిత్స పొందుతున్న అతని ఆరోగ్య పరిస్థితి విషమంగా ఉన్నట్లు తెలుస్తోంది. ఈ క్రమంలో తన అభిమాన హీరో యన్టీఆర్ తో మాట్లాడాలనకున్నాడు. ఈ విషయాన్ని యన్టీఆర్ అభిమాన సంఘ నాయకులు యన్టీఆర్ కి చేరవేశారు. దీంతో వెంటనే స్పందించిన యంగ్ టైగర్ జనార్థన్, అతని తల్లితోనూ ఫోన్ లో మాట్లాడారు. అధైర్య పడొద్దని, దేవుడి మీద భారం వేయాలని అన్నారు. దేవుడిని నమ్మాలని… త్వరలోనే జనార్దన్ కోలుకుని వస్తాడని ఆయన తల్లికి ధైర్యం చెప్పారు.
“నిన్ను చూడాలని ఉంది. త్వరగా కోలుకుని వచ్చేయ్.. నీ కోసం ప్రార్ధిస్తున్నా. నీకోసం నేనున్నాను, మన అభిమానులున్నారు. నీకేం అవదు” అంటూ అభిమానికి యన్టీఆర్ ధైర్యాన్ని నూరిపోశారు. తారక్, జనార్ధన్ అమ్మతో మాట్లాడిన వీడియో ఇప్పుడు సోషల్ మీడియాలో తెగవైరల్ అవుతోంది. దీంతో నందమూరి అభిమానులతో పాటు చాలామంది యన్టీఆర్ పై ప్రశంసల వర్షం కురిపిస్తున్నారు. మరి.. ఈ విషయంపై మీ అభిప్రాయాలను కామెంట్స్ రూపంలో తెలియజేయండి.
Upon hearing that his fan, Janardhan’s health is in critical condition, @tarak9999
reached out to Janardhan’s mother. NTR also spoke to Janardhan through speaker phone and wished him a speedy recovery.#JrNTR pic.twitter.com/Tk6pGYogBr— Sreedhar Marati (@SreedharSri4u) June 29, 2022
