follow us:
వినోదాన్ని కోరుకునే ప్రేక్షకులకు సిల్వర్ స్క్రీన్ పై సినిమాలతో పాటు బుల్లితెరపై షోలో కూడా సందడి చేస్తున్నారు కొందరు స్టార్ హీరోలు. ఇప్పటికే టాలీవుడ్ మెగాస్టార్ చిరంజీవి, అక్కినేని నాగార్జున లాంటి హీరోలు సినిమాలతో పాటు బుల్లితెరపై కూడా వివిధ కార్యక్రమాలను హోస్ట్ చేసి అలరించారు. అయితే.. గతేడాది ఫస్ట్ టైం ఓ సెలబ్రిటీ టాక్ షోకి హోస్ట్ గా వ్యవహరించి.. మొదటి సీజన్ లోనే స్టార్ హోస్ట్ గా పేరొందారు నటసింహం నందమూరి బాలకృష్ణ. ఆయన హోస్ట్ గా గతేడాది ఆహా ఓటిటిలో ‘అన్ స్టాపబుల్ విత్ NBK’ అనే టాక్ షో చేశారు. ఇక ఫస్ట్ సీజన్ లోనే షోకి అద్భుతమైన రెస్పాన్స్ రాగా.. రేటింగ్స్ లో కూడా అగ్రగామిగా నిలిపారు బాలయ్య.
అఖండ సినిమాతో అద్భుతమైన విజయాన్ని నమోదు చేసిన బాలయ్య.. ఇప్పుడు గోపీచంద్ మలినేని దర్శకత్వంలో 107వ సినిమా చేస్తున్నాడు. మరోవైపు హోస్ట్ గా అన్ స్టాపబుల్ రెండో సీజన్ ప్రారంభించేందుకు సిద్ధం అవుతున్నట్లు తెలుస్తుంది. ఇప్పటికే ఆహా వారు అన్ స్టాపబుల్ త్వరలో మొదలు కాబోతుందని అధికారికంగా పోస్టులు పెడుతూ హైప్ క్రియేట్ చేస్తున్నారు. ఇక ఈసారి సెకండ్ సీజన్.. మెగాస్టార్ చిరంజీవి గెస్ట్ గా మొదలవుతుందని సమాచారం. ఎందుకంటే.. మొదటి సీజన్ లోనే చిరంజీవిని తీసుకొచ్చే ప్లాన్ చేశారు. ఎందుకోగానీ అప్పుడది సాధ్యపడలేదు. కానీ.. ఇప్పుడు మాత్రం పక్కాగా షో మెగాస్టార్, బాలయ్య కాంబినేషన్ లోనే షురూ అవుతుందని గట్టిగా బజ్ నడుస్తుంది.
ఇదిలా ఉండగా.. బాలయ్య షోలో చిరంజీవి రావడమే పెద్ద సర్ప్రైజ్ అనుకుంటే.. ఆ తర్వాత రెండో గెస్ట్ గా కింగ్ నాగార్జున రాబోతున్నాడని అంటున్నారు. మరి సీనియర్స్ అయినా హీరోలుగా ఇప్పటికి బాక్సాఫీస్ వద్ద తమ సత్తా చాటుతున్న చిరు, బాలయ్య, నాగ్ లను ఒకే చోట చూడటం అనేది ఫ్యాన్స్ కి పండగే అని చెప్పాలి. అదీగాక రాబోతున్న దసరాకి మెగాస్టార్ గాడ్ ఫాదర్, నాగ్ ది ఘోస్ట్ మూవీస్ విడుదల కాబోతున్నాయి. ఈ రెండు సినిమాల ప్రమోషన్స్ లో భాగంగా చిరు, నాగ్ గెస్టులుగా వస్తారని టాక్. ఈ క్రమంలో ఫ్యాన్స్ అందరికీ మరో బిగ్ సర్ప్రైజ్ ప్లాన్ చేస్తున్నారట అన్ స్టాపబుల్ నిర్వాహకులు.
ఈసారి షోలో మరింత జోష్, చూసే ప్రేక్షకులలో హుషారు, ఫ్యాన్స్ లో సందడి నెలకొనాలంటే.. మరో స్టార్ హీరో రాబోతున్నాడని సినీవర్గాలలో బలమైన టాక్ వినిపిస్తోంది. ఆ స్పెషల్ గెస్ట్ ఎవరో కాదు.. పవర్ స్టార్ పవన్ కళ్యాణ్. అగ్రసినీ నటుడిగా, జనసేన అధ్యక్షుడిగా పవన్ కళ్యాణ్.. ఇటు ఇండస్ట్రీలో, అటు రాజకీయాలలో తనవంతు కృషి చేస్తున్నారు. అందులోనూ పవన్ కళ్యాణ్ సినిమాలు వేరు.. బాలయ్య సినిమాలు వేరు. ఒకరు కామ్ అయితే.. ఇంకొకరు అగ్రెసివ్. మరి ఫైర్ బ్రాండ్ అయిన బాలయ్య షోలో పవన్ కళ్యాణ్ వస్తే ఆ వాతావరణం, సీన్ నెక్స్ట్ లెవెల్ లో ఉండబోతుంది. చూడాలి మరి కథనాలు వినిపిస్తున్న వార్త నిజమైతే బాగుంటుందని ఫ్యాన్స్ తో పాటు నెటిజన్స్ కోరుకుంటున్నారు. మరి బాలయ్య షోలోకి పవన్ కళ్యాణ్ వస్తే ఎలా ఉంటుందో మీ అభిప్రాయాలను కామెంట్స్ లో తెలియజేయండి.
View this post on Instagram
