follow us:
లోకేష్ కనకరాజ్.. ప్రస్తుతం సినీ ఇండస్ట్రీలో మార్మోగుతున్న పేరు. నగరం అనే చిన్న సినిమాతో ఇండస్ట్రీలో దర్శకుడిగా అడుగుపెట్టిన లోకేష్.. కార్తీతో ఖైదీ, దళపతి విజయ్ తో మాస్టర్ లాంటి సూపర్ హిట్స్ రూపొందించాడు. తాజాగా విశ్వనటుడు కమల్ హాసన్ హీరోగా ‘విక్రమ్’ సినిమా చేసి బ్లాక్ బస్టర్ ని ఖాతాలో వేసుకున్నాడు. ఇటీవలే ప్రేక్షకుల ముందుకొచ్చిన విక్రమ్ సినిమాతో అటు ప్రేక్షకులకు, ఇటు అభిమానులకు మర్చిపోలేని ట్విస్టులు, సర్ప్రైజ్ లు అందించాడు.
కొత్తగా రిలీజ్ అయిన విక్రమ్ సినిమాకు.. గతంలో వచ్చిన విక్రమ్(1986), ఖైదీ(2019)లకు లింక్ చేసి.. అందరినీ కథలోకి లీనమయ్యేలా చేసిన క్రెడిట్ లోకేష్ కే దక్కుతుంది. సాధారణంగా లోకేష్ తీసిన ఖైదీ, మాస్టర్, విక్రమ్.. ఈ మూడు సినిమాలు డ్రగ్స్ మాఫియా నేపథ్యంలో డార్క్ యాక్షన్ డ్రామాలుగా రూపొందాయి. బ్లాక్ బస్టర్స్ అయ్యాయి. ఈ విషయం పక్కన పెడితే.. ఖైదీ, విక్రమ్ సినిమాలు ఒకటైతే, విజయ్ తో చేసిన మాస్టర్ సినిమాలో కూడా డ్రగ్స్ మాఫియా నేపథ్యం ఉన్నప్పటికీ.. వేరే కథలా రూపొందించాడు లోకేష్.
ఈ క్రమంలో ప్రస్తుతం ఇండస్ట్రీలో లోకేష్ కనకరాజ్ యూనివర్స్ గురించి అందరూ మాట్లాడుకుంటున్నారు. ఇప్పటికే తన డార్క్ ఇంటెన్స్ యూనివర్స్ లోకి కార్తీ, కమల్ హాసన్, సూర్యలను తీసుకొచ్చాడు. త్వరలోనే ఖైదీ-2 లేదా విక్రమ్-2.. లేదా ఈ రెండూ కలిపి బిగ్ స్టోరీతో మరో సినిమా తీసే ఆలోచన చేస్తున్నాడేమో.. అది లోకేష్ చెప్పేవరకూ క్లారిటీ రాకపోవచ్చు. అయితే.. లోకేష్ తదుపరి సినిమా దళపతి విజయ్ తో చేయనున్నాడు. మరి విజయ్ తో మాస్టర్-2 తీస్తాడా? లేక కొత్త జానర్ లో చేస్తాడా? విక్రమ్ యూనివర్స్ తో మాస్టర్ ని లింక్ చేయబోతున్నాడా? అనేది హాట్ టాపిక్ గా మారింది.
#Vikram3 Concept Design 🔥@Suriya_offl @ikamalhaasan@Karthi_Offl #Vikram
Idea💡: @Sandy_khan_sk ❤️ pic.twitter.com/vri0czKC4K
— W ! N T E R | ROLEX 🦂 (@itsmewinterop) June 5, 2022
ప్రస్తుతం ఖైదీ, విక్రమ్ సినిమాల ఊపు నడుస్తుంది. కాబట్టి, ఆ సినిమాలకు విజయ్ సినిమాను లింక్ చేస్తే మాత్రం సినిమాపై అంచనాలు ఆకాశాన్ని తాకుతాయి. లేదా సపరేట్ గా మాస్టర్-2 ప్లాన్ చేసుకున్నా.. తన యూనివర్స్ లో భాగమైతే చేసుకుంటాడని టాక్ వినిపిస్తుంది. ఇదిలా ఉండగా.. మాస్టర్ సినిమాలో విజయ్ క్యారెక్టర్ గురించి చెప్పినప్పుడు.. తనకు కన్నీళ్లు రావని, సరిగ్గా నిద్రపట్టదని.. తనకూ ఓ గతం ఉందని.. తాగితేగాని గతం మర్చిపోయి నిద్రపోలేనని పదేపదే ప్రస్తావించడం మనం గమనించవచ్చు. అదీగాక మాస్టర్ ని గతం గురించి సీరియస్ గా అడిగినప్పుడల్లా ఏదొక కామెడీ స్టోరీ చెప్పి తప్పించుకుంటాడు.
Just loki things!!
calm before storm💥#Beast @actorvijay @Dir_Lokesh pic.twitter.com/WkL0CsWO7b— Shanthan (@VijayIsMyHeart) June 7, 2022
మరి అలాంటి మాస్టర్ గతం ఏంటనేది సినిమాలో రివీల్ చేయలేదు.. కనుక ఇప్పుడు విజయ్ తో తీయబోయే సినిమాలో ఖైదీతో లేదా విక్రమ్ తో ఎక్కడో చోట మాస్టర్ ని కథలోకి లాగే అవకాశం ఉందని బలమైన సూచనలు కనిపిస్తున్నాయి. సరిగ్గా గమనిస్తే.. డైరెక్టర్ లోకేష్ కనకరాజ్.. తన ప్రతి సినిమాలో హీరోలకు పవర్ ఫుల్ గతం ఉందని చెబుతూనే.. ఆ గతం ఏంటనేది ఎక్కడా రివీల్ అవ్వకుండా జాగ్రత్త పడుతూ వచ్చాడు. ఖైదీలో డిల్లీకి ఓ గతం, విక్రమ్ లో కమల్ కి ఓ గతం, రోలెక్స్ కి ఓ గతం, మాస్టర్ లో జేడీకి ఓ గతం.. ఇవన్నీ చూస్తుంటే లోకేష్ యూనివర్స్ ఏ స్థాయిలో డెవలప్ అవుతుందో.. ఊహకు కూడా అందటం కష్టమే.
Wasted Ft. JD Thalapathy Vijay#ThalapathyVijay𓃵 #ThalapathyVijayBdayMonth #Thalapathy67 #Thalapathy66 #Master #LokeshKanagaraj #Anirudh #Vikram #Thalapathy pic.twitter.com/6Ka99C8NQB
— Krish (@krishtheeditor) June 4, 2022
ఈ విషయం పక్కనపెడితే.. విజయ్ తో తదుపరి సినిమా మాస్టర్ కి సీక్వెల్ చేయనున్నాడా? లేక కొత్త స్టోరీతో చేయనున్నాడా? మాస్టర్ లో ఉన్న డ్రగ్స్ మాఫియాను ఖైదీతో లింకప్ చేయబోతున్నాడా? మొత్తంగా లోకేష్ మల్టీవర్స్ లో విజయ్ కూడా చేరబోతున్నట్లు సినీవర్గాల సమాచారం. విజయ్ కూడా చేరితేనే.. కార్తీ, సూర్య, కమల్ లాంటి బిగ్ స్టార్స్ తో లోకేష్ అతి పెద్ద డార్క్ యాక్షన్ మ్యాజిక్ యూనివర్స్ ఏ స్థాయిలో తీర్చిదిద్దుతాడో అనేది ఆసక్తికరంగా మారింది. మరి దళపతి విజయ్ – లోకేష్ నెక్స్ట్ సినిమాపై మీ అభిప్రాయాలను కామెంట్స్ లో తెలియజేయండి.
Director #LokeshKanagaraj reveals #Thalapathy67 will be 100% Lokesh film. 🔥💯 @Dir_Lokesh @actorvijay pic.twitter.com/BUgiMcmwjZ
— George (@VijayIsMyLife) May 30, 2022
