పవన్ కళ్యాణ్ ఫ్యాన్స్ కి మరోసారి నిరాశ తప్పదా..?

పవర్ స్టార్ పవన్ కళ్యాణ్ ప్రధానపాత్రలో తెరకెక్కుతున్న ‘భీమ్లా నాయక్‘ సినిమా పై అభిమానులు ఏ స్థాయి అంచనాలతో ఎదురు చూస్తున్నారో ప్రత్యేకంగా చెప్పే అవసరం లేదు. గత కొద్దిరోజులుగా భీమ్లా నాయక్ సినిమా రిలీజ్ డేట్ పై సోషల్ మీడియాలో, ఇండస్ట్రీ వర్గాలలో పలు ఊహాగానాలు వ్యక్తమవుతున్నాయి. అయితే.. సంక్రాంతి టైంలో రానుందని అంతా అనుకున్నారు. కానీ తీరా టైం దగ్గరపడేసరికి ఫిబ్రవరి నెలాఖరుకి వాయిదా పడింది.

ఇప్పుడు ఫిబ్రవరి నెలాఖరు దగ్గర పడుతుండటంతో ఫ్యాన్స్ లో కంగారు మొదలైంది. ఇటీవలే భీమ్లా నాయక్ ప్రొడ్యూసర్.. ఏపీలో 50% ఆక్యుపెన్సీ ఎప్పుడు తీసేస్తే అప్పుడే రిలీజ్ కంఫర్మ్ అని తేల్చేశారు. ప్రస్తుతం ఏపీలో నైట్ కర్ఫ్యూ ఎత్తివేయడంతో పాటు సినిమా టికెట్స్ ఇష్యూ కూడా ఓ కొలిక్కి రాబోతుండటంతో భీమ్లా నాయక్ సినిమాకి మార్గం సుగమం కానుందని అంతా భావించారు.

3 years of our blood & sweat.
The time has finally come to earn your respect on February 25th!

See you in theatres!🥊🥊🥊#Ghani #GhanionFeb25 pic.twitter.com/3SZWxkac3e

— Varun Tej Konidela 🥊 (@IAmVarunTej) February 15, 2022

మరోవైపు ఫిబ్రవరి 25న.. మెగాప్రిన్స్ వరుణ్ తేజ్ ‘గని’ సినిమా రానుందని మేకర్స్ కన్ఫర్మ్ చేశారు. అదే రోజున శర్వానంద్ హీరోగా ‘ఆడాళ్ళు మీకు జోహార్లు’ సినిమా రిలీజ్ కాబోతుంది. అయితే.. నెలాఖరున ఒకేసారి మెగాహీరోల సినిమాలు గని, భీమ్లా నాయక్ ల మధ్య క్లాష్ రాకూడదని పవన్ సినిమా పోస్ట్ పోన్ అయినట్లు ఇండస్ట్రీలో టాక్ నడుస్తుంది. చూడాలి మరి.. భీమ్లా నాయక్ మేకర్స్ క్లారిటీ ఇస్తారేమో! భీమ్లా నాయక్ పై మీ అభిప్రాయాలను కామెంట్స్ లో తెలియజేయండి.