follow us:
సినీ ఇండస్ట్రీలో హీరోలతో పోలిస్తే హీరోయిన్స్ త్వరగా ఫేడ్ అవుట్ అయిపోతారు. అందుకే.. దీపం ఉండగానే ఇల్లు చక్కదిద్దుకోవాలన్న సామెత వీరికి సరిగ్గా సరిపోతుంది. అయితే.. ఈ విషయంలో బుట్టబొమ్మ పూజా హెగ్డే కాస్త స్పీడ్ మీదే ఉంది. ప్రస్తుతం సౌత్ ఇండియాలో టాప్ హీరోయిన్ అనగానే పూజా హెగ్డే పేరే వినిపిస్తుంది. స్టార్ హీరోలు అంతా పూజాతో నటించడానికి ఆసక్తి చూపిస్తున్నారు. మరి.. ఇంత బిజీగా ఉండే హీరోయిన్ చేతిలో కార్పొరేట్ యాడ్స్ కూడా ఒక రేంజ్ లో ఉంటాయి కదా? ఇక్కడే పూజా తన తెలివిని ఉపయోగించి కోట్లు సొంతం చేసుకుంటుంది.
యాడ్స్ అనగానే ఎవరైనా కొన్ని క్షణాల పాటు.. స్క్రీన్ పై ఇలా మెరిసి, ఆ ప్రోడక్ట్ కి ప్రమోషన్ చేసి, అలా మాయం అయిపోతారు. కానీ.. ఈ విషయంలో పూజా మాత్రం కొత్తగా ఆలోచించింది. ప్రముఖ హోమ్ పెయింట్స్ కంపెనీకి ప్రచారంగా పూజా హోమ్ టూర్ చేసి.. ఆ పెయింట్స్ వాడటం కారణంగా తన ఇల్లు ఎంత అందంగా ఉందో చూడండి అంటూ ఓ వీడియోని విడుదల చేసింది. “వేర్ ది హార్ట్ ఈజ్” సీజన్ 6 లో భాగంగా పూజా హోమ్ టూర్ చేయడం జరిగింది. ఈ వీడియోలో బుట్టబొమ్మ ఇల్లు చూసిన ప్రతి ఒక్కరు.. పూజా లగ్జరీ హౌస్ అదిరిపోయింది అంటూ కామెంట్స్ చేస్తున్నారు.
9 నిమిషాలు నిడివి ఉన్న ఈ వీడియోలో పూజా హెగ్డే.. ఆ ఇంటితో తన అనుభవాలను పంచుకుంది. అలాగే.. కాస్ట్యూమ్స్ లో తన కలెక్షన్స్ అన్నీ చూపిస్తూ మురిసిపోయింది. అదీకాక.. ఫర్నీచర్ విషయంలో కూడా పూజా తన టేస్ట్ చాటుకుంది. ఇక సినిమాల విషయానికి వస్తే ఈ అమ్మడు ప్రస్తుతం త్రివిక్రమ్ దర్శకత్వంలో ఓ సినిమా చేస్తుంది. అలాగే.. మిగతా భాషల్లో కూడా బిజీగా ఉంది. మరి.. అన్నీ విధాలా ఇంద్రభవనాన్ని తలపిస్తున్న పూజా హెగ్డే హౌస్ ని మీరు కూడా ఈ వీడియోలో చూసేయండి.
