follow us:
శ్యామ్ సింగరాయ్ తర్వాత టాలీవుడ్ నేచురల్ స్టార్ నాని.. ‘అంటే సుందరానికి’ అనే సినిమాతో ప్రేక్షకుల ముందుకు రానున్న సంగతి తెలిసిందే. రొమాంటిక్ కామెడీ మూవీగా తెరకెక్కిన ఈ సినిమాతో మలయాళం బ్యూటీ నజ్రియా నజిమ్ తెలుగులో డెబ్యూ చేస్తోంది. నాని సుందర్ గా, నజ్రియా లీల థామస్ గా నటించిన ఈ సినిమా జూన్ 10న విడుదలకు సిద్ధమైంది. మైత్రి మూవీస్ వారు నిర్మించిన ఈ సినిమా తెలుగుతో పాటు తమిళ, మలయాళ భాషల్లో కూడా రిలీజ్ కానుంది. దర్శకుడు వివేక్ ఆత్రేయ ఈ సినిమాను రూపొందించాడు.
ఈ క్రమంలో ‘అంటే సుందరానికి’ ప్రమోషన్స్ ముమ్మరంగా జరుగుతున్నాయి. ఈ ప్రమోషన్స్ లో నాని, నజ్రియా, చిత్రబృందంతో పాటు నాని భార్య అంజన కూడా చురుకుగా పాల్గొంటున్నారు. సాధారణంగా నాని భార్య అంజన సోషల్ మీడియాలో అరుదుగా కనిపిస్తుంటారు. ఎప్పుడు కనిపించినా కేవలం ఫోటోలకు మాత్రమే పరిమితం అవుతుంటారు. కానీ ఈసారి మాత్రం అంటే సుందరానికి ప్రమోషన్స్ లో అంజన గారి సందడి మామూలుగా లేదు.
తాజాగా హీరోయిన్ నజ్రియా పోస్ట్ చేసిన ఓ వీడియో సోషల్ మీడియాలో వైరల్ అవుతోంది. ఆ వీడియోలో నాని, నజ్రియాలతో కలిసి ఆయన భార్య అంజన డ్యాన్స్ చేయడం విశేషం. అభిమానులకు అరుదుగా కనిపించే అంజనా గారు ఏకంగా డ్యాన్స్ చేసి సర్ప్రైజ్ చేయడంతో నాని ఫ్యాన్స్ అంతా సంతోషం వ్యక్తం చేస్తున్నారు. అలాగే అంజనతో కలిసి రీల్ చేయడం ఆనందంగా ఉందని నజ్రియా తెలిపింది. ప్రస్తుతం ఈ డ్యాన్స్ వీడియో నెట్టింట ట్రెండ్ అవుతోంది. మరి నాని సతీమణి డ్యాన్స్ వీడియోపై మీ అభిప్రాయాలను కామెంట్స్ లో తెలియజేయండి.
View this post on Instagram
