Atal Bihari Vajpayee: తెరమీదకు రాబోతున్న అటల్ బిహారి వాజ్ పేయి బయోపిక్!

Atal Bihari Vajpayee: ఇటీవల కాలంలో సినీతారలు, ప్రముఖ రాజకీయ నాయకులు, క్రీడాకారుల జీవితకథల ఆధారంగా వెండితెరపై సినిమాలు రూపొందుతున్న సంగతి తెలిసిందే. క్రీడాకారులలో ధోని, సచిన్, అజారుద్దీన్, సైనా నెహ్వాల్, మిథాలీ లాంటి ఎందరో జీవితకథలను బయోపిక్స్ గా తీశారు. అలాగే భారత మాజీ ప్రధాని మన్మోహన్ సింగ్ లాంటి మేధావుల బయోపిక్స్ కూడా తెరమీదకు వచ్చాయి. ఇప్పుడు ప్రేక్షకుల ముందుకు భారత మాజీ ప్రధాని అటల్ బిహారి వాజ్‌పేయి బయోపిక్ రూపొందించేందుకు సన్నాహాలు జరుగుతున్నాయి.

దివంగత భారత మాజీ ప్రధాని, కవి అటల్‌ బిహారీ వాజ్‌పేయి జీవితం ఆధారంగా ఓ సినిమా తెరకెక్కనుంది. ‘మై రహూ యా నా రహూ ఏ దేశ్‌ రెహనా చాహియే – అటల్‌’ అనే టైటిల్‌ తో ఈ సినిమాను వినోద్‌ భన్సాలీ, సందీప్ సింగ్‌ సంయుక్తంగా నిర్మించనున్నారు. జూన్‌ 28న(మంగళవారం) ఈ సినిమాను అధికారికంగా ప్రకటించడమేగాక గ్లింప్స్‌ రిలీజ్ చేశారు.

ప్రముఖ రచయిత ఉల్లేక్‌ ఎన్.పీ రాసిన ‘ది అన్‌టోల్డ్‌ వాజ్‌పేయి: పొలిటీషియన్‌ అండ్‌ పారాడాక్స్‌’ పుస్తకం ఆధారంగా ఈ చిత్రాన్ని రూపొందించనున్నారు. ప్రస్తుతానికి సినిమా యూనిట్ కి సంబంధించి దర్శకుడు, నటీనటులు, సాంకేతిక నిపుణుల వివరాలు వెల్లడించలేదు. 2023లో షూటింగ్‌ ప్రారంభించి, క్రిస్మస్‌ కు విడుదల చేయాలని ప్లాన్ చేస్తున్నారని సమాచారం. ఎందుకంటే.. అటల్‌ పుట్టినరోజు డిసెంబర్‌ 25. అందుకే అయన 99వ జయంతి సందర్భంగా వచ్చే ఏడాది ఈ సినిమా ప్రేక్షకుల ముందుకు రాబోతున్నట్లు తెలుస్తుంది. మరి అటల్ బిహారి వాజ్ పేయి బయోపిక్ పై మీ అభిప్రాయాలను కామెంట్స్ లో తెలియజేయండి.

‘Main Rahoon Ya Na Rahoon, Yeh Desh Rehna Chahiye – Shri Atal Bihari Vajpayee.’

Presenting #ATAL, a film on the life story of India’s most exemplary leader, renowned poet, and visionary.@thisissandeeps @directorsamkhan #KamleshBhanushali #VishalGurnani #JuhiParekhMehta pic.twitter.com/J2Db2l32iy

— Vinod Bhanushali (@vinodbhanu) June 28, 2022