follow us:
కమల్ ఆర్ ఖాన్.. బాలీవుడ్ వివాదాస్పద క్రిటిక్‌ గురించి సోషల్ మీడియాలో ఫాలో అయ్యేవాళ్లకు తెలిసే ఉంటుంది. ఎప్పుడూ ఏదోక విషయంలో నెగటివ్ కామెంట్స్‌ చేసి వైరల్ అవుతూ ఉంటాడు. బాలీవుడ్ సినిమాలు విడుదల కాకముందే అవి ఫ్లాప్ అయ్యాయని, ఖాళీ కుర్చీలతో థియేటర్లు వెలవెల బోతున్నాయని ట్విట్టర్ వేదికగా తన చాదస్తాన్ని ప్రదర్శిస్తూ ఉంటాడు. సినిమా నిజంగానే ఫ్లాప్ అయితే.. నేను ఆ హీరోని హెచ్చరించాను కానీ, నా మాట వినలేదు ఇప్పుడు చూడు అంటూ కామెంట్ చేస్తాడు. కొందరు బీ టౌన్ తారలను ఉద్దేశపూర్వకంగానే టార్గెట్ చేస్తూ ఉంటాడు. తాజాగా కేఆర్కే చేసిన ఓ ట్వీట్ బాలీవుడ్ లో పెద్ద రచ్చకు తెర లేపింది.
తాజాగా కేఆర్కే తన ట్విట్టర్ వేదికగా ఓ స్టార్ ప్రొడ్యూసర్ గురించి ఓ ట్వీట్ చేశాడు. ఆ బడా నిర్మాత ఎవరు? ఏంటి? అనేది చెప్పకుండా ఆయన్ను భార్య విడాకులు డిమాండ్ చేస్తోందని చెప్పుకొచ్చాడు. అందుకు ఆయన పెట్టుకున్న వివాహేతర సంబంధాలే కారణం అంటూ చెప్తున్నాడు. “బ్రేకింగ్ ఓ ప్రముఖ నిర్మాత భార్య ఇల్లు వదిలి వచ్చేసింది. ప్రస్తుతం హోటల్‌లో ఉంటోంది. ఆమె భర్త పెట్టుకున్న ఎఫైర్ల గురించి తెలిసే ఆమె ఇలా చేసింది. అతడికి విడాకులు కూడా ఇచ్చేందుకు రెడీ అవుతోంది” అంటూ కేఆర్కే ట్వీట్ చేశాడు. ఇప్పుడు ఈ ట్వీట్ ఓ పెద్ద రచ్చకి దారి తీసింది.
అయితే ఆ నిర్మాత ఎవరు అనేది మాత్రం కేఆర్కే రివీల్ చేయలేదు. అతని ట్వీట్ కి స్పందిస్తున్న నెటిజన్స్‌ అతను ఎవరో చెప్పచ్చుగా అంటూ ప్రశ్నిస్తున్నారు. వారికి నచ్చిన పేర్లను ఊహించుకుంటూ కామెంట్ చేస్తున్నారు. కేఆర్కే ఇలా వేరే వాళ్ల వ్యక్తిగత జీవితం గురించి కామెంట్ చేయడం కొత్తేం కాదు. కొన్నిసార్లు అతను చేసిన ట్వీట్లకు బెదిరింపులు కూడా వచ్చాయంటూ చెప్పుకొచ్చాడు. కానీ, అతని ట్వీట్ తీటను మాత్రం తగ్గించుకోడు. ఎప్పుడూ ఏదొక సినిమా, ఎవరో లైఫ్ గురించి ట్వీట్లు చేస్తూ కాసేపు వైరల్ అవుతూ ఉంటాడు. చాలా మంది అతని మాటలను కొట్టి పారేస్తున్నారు.
Breaking:- One big producer’s wife has left his house and staying in a hotel. She is angry because of multiple affairs of producer husband and asking for divorce. I am loving it.
— KRK (@kamaalrkhan) January 18, 2023
