కృష్ణ మరణంతో.. రమేష్ బాబు భార్య మృదులకు కొత్త కష్టం!

తెలుగు ఇండస్ట్రీలో ఈ సంవత్సరం వరుస విషాదాలు చోటు చేసుకుంటున్నాయి. దిగ్గజ నటులు వరుసగా కన్నుమూశారు. రెబల్ స్టార్ కృష్ణం రాజు లేరన్న విషాదం నుంచి కోలుకోకముందే.. సూపర్ స్టార్ కృష్ణ కన్నుమూశారు. సోమవారం ఆయనకు గుండెపోటు రావడంతో హైదరాబాద్ లోని కాంటినెంటల్ ఆసుపత్రికి తరలించారు. మంగళవారం ఆయన తెల్లవారుజామున 4.09 నిమిషాలకు తుదిశ్వాస విడిచారు. తెలుగు తెరపై ఎన్నో సాహసాలు, ప్రయోగాలు చేసి తనకంటూ ప్రత్యేక ఇమేజ్ సొంతం చేసుకున్న సూపర్ స్టార్ కృష్ణ కోట్లమంది అభిమానుల గుండెల్లో నిలిచిపోయారు. ఆయన మరణ వార్త విని కుటుంబ సభ్యులే కాదు.. సినీ సెలబ్రెటీలు, ప్రేక్షకులు కన్నీటిసంద్రంలో మునిగిపోయారు.

ఈ ఏడాది ఘట్టమనేని ఫ్యామిలీకి అస్సలు అచ్చిరాలేదని ప్రతి ఒక్కరూ అంటున్నారు. ఒకే ఏడాదిలో మహేష్ బాబుకి సపోర్ట్ గా నిలుస్తూ.. హీరోగా ఎదగడానికి కారణమైన అన్నయ్య ఘట్టమనేని రమేష్ బాబు ఈ ఏడాది జనవరి 8న కన్నుమూశారు. సెప్టెంబర్ 28న అనారోగ్య సమస్యతో మహేష్ బాబు తల్లి ఇందిరా దేవి కన్నుమూశారు. మంగళవారం 15న సూపర్ స్టార్ కృష్ణ ఈ లోకాన్ని విడిచి వెళ్లారు. ఇలా ఒక్క సంవత్సరంలోనే నెలల వ్యవధిలో తన వాళ్లను కోల్పోవడంతో మహేష్ బాబు కృంగిపోయారని వార్తలు వస్తున్నాయి. అయితే ఇందులో వాస్తవం ఉన్నా.. మహేష్ బాబు కన్నా ఎక్కువ నష్టపోయిందీ.. ఇంటి పెద్దలను కోల్పోయి ఒంటరయ్యింది మృదుల. ఈ మృదుల ఎవరా అనకుంటున్నారా? ఘట్టమనేని రమేష్ బాబు సతీమణి.

ఇండస్ట్రీలోకి బాలనటుడిగా ఎంట్రీ ఇచ్చిన రమేష్ బాబు.. సామ్రాట్ చిత్రంతో హీరో అయ్యాడు. ఆ తర్వాత పలు హిట్ చిత్రాల్లో నటించిన రమేష్ బాబు పెద్దల నిర్ణయించిన అమ్మాయి మృదులను వివాహం చేసుకున్నాడు. వీరికి ఇద్దరు పిల్లలు ఉన్నారు. అమ్మాయి పేరు భారతి, అబ్బాయి పేరు జయకృష్ణ. మొదటి నుంచి రమేష్ బాబు ఫ్యామిలీ ఎక్కువగా మీడియాలో ఫోకస్ కాలేదు. ఆ మద్య రమేష్ బాబు పెద్ద కొడుకు జయకృష్ణ దోతి ఫంక్షన్లో మాత్రమే కనిపించారు. ఈ ఏడాదిలో భర్త,  అత్త.. మొన్న మామ కృష్ణ ను కోల్పోయి ఒంటరిగా మారింది మృదుల. ప్రస్తుతం ఆమె ఇద్దరు పిల్లలతో జీవిస్తుంది.

ఇక రమేష్ బాబు కొడుకు జయకృష్ణ ఇంకా చిన్నవాడు కావడంతో ఇంటి బాధ్యతలు ఇప్పుడు మహేష్ బాబు తీసుకునే అవకాశం ఉందని ఫిలిమ్ వర్గాల్లో టాక్ నడుస్తుంది. మొదటి నుంచి రమేష్ బాబు కుటుంబంతో మహేష్ బాబు, నమ్రతలు ఎంతో సఖ్యతగా ఉంటారని ఇండస్ట్రీ టాక్. భవిష్యత్ లో ఇంటి పెద్దగా వారి వివాహాలు చేయాల్సిన బాధ్యత కూడా మహేష్ బాబుపైనే ఉందంటున్నారు. ఇదిలా ఉంటే.. జయకృష్ణ కూడా ఇండస్ట్రీలోకి వస్తాడా? లేదా తండ్రి రమేష్ బాబు లా బిజినెస్ వ్యవహారాలు చూసుకుంటాడా అన్న విషయం భవిష్యత్ లో తెలియాల్సి ఉంది.