follow us:
Vijayendra Prasad: తాజాగా ప‌లు రంగాల‌కు చెందిన ప్ర‌ముఖుల‌ను రాజ్యసభకు నలుగురిని నానిమేట్ చేస్తూ కేంద్ర ప్రభుత్వం కీల‌క నిర్ణ‌యం తీసుకున్న సంగ‌తి తెలిసిందే. ఈ న‌లుగురిలో దర్శకధీరుడు రాజమౌళి తండ్రి విజయేంద్ర ప్రసాద్ తో పాటు మేస్ట్రో ఇళ‌య‌రాజా, ప‌రుగుల రాణి పీటీ ఉష, సామాజికవేత్త వీరేంద్ర హెగ్డే ఉండటం విశేషం. ఈ నలుగురిని రాజ్యసభకు నామినేట్ చేస్తూ స్వ‌యంగా ప్రధాని మోదీనే తన ట్విట్టర్ ఖాతా ద్వారా ప్రకటించారు.
బాహుబలి, ఆర్ఆర్ఆర్ లాంటి గొప్ప సినిమాల సినీరచయిత విజయేంద్ర ప్రసాద్, కర్ణాటకకు చెందిన వీరేంద్ర హెగ్డే, అథ్లెట్ పీటీ ఉష, మ్యూజిక్ డైరెక్టర్ ఇళయరాజాలను రాజ్యసభకు రాష్ట్రపతి కోటాలో నామినేట్ చేసింది కేంద్ర ప్రభుత్వం. దక్షిణాది నుంచి నలుగురు ఎంపికవగా.. వీరిలో ఇద్దరు సినీ ఇండస్ట్రీకి చెందినవారు కావడం హాట్ టాపిక్ గా మారింది.
ఈ నేపథ్యంలో విజయేంద్ర ప్రసాద్ పై మోడీ ప్రశంసలు కురిపిస్తూ.. “దశాబ్దాలుగా సృజనాత్మక ప్రపంచంతో అనుబంధం కలిగి ఉన్నారు. ఆయన రచనలు భారతదేశ మహిమాన్వితమైన సంస్కృతిని ప్రదర్శిస్తాయి. ప్రపంచవ్యాప్తంగా చెరగని ముద్రవేశాయి. రాజ్యసభకు నామినేట్ అయినందుకు ఆయనకు అభినందనలు’ అని ప్రధాని మోడీ ట్వీట్ చేశారు. అలాగే మిగతా ముగ్గురిపై కూడా మోడీ ప్రశంసలు కురిపించారు. ప్రస్తుతం మోడీ చేసిన ట్వీట్స్ సోషల్ మీడియాలో వైరల్ అవుతున్నాయి.
సినీ రచయిత విజయేంద్ర ప్రసాద్ రాజమౌళి తండ్రిగా ప్రేక్షకులకు సుపరిచితమే. కథారచయితగా కేవలం తెలుగు సినిమాలు మాత్రమే కాకుండా అనేక తమిళ, హిందీ సినిమాలకు కూడా పనిచేశారు. దర్శకుడిగా నాలుగు సినిమాలు తెరకెక్కించారు. ఆంధ్రప్రదేశ్ లోని కొవ్వూరులో జన్మించిన విజయేంద్ర ప్రసాద్.. 1988 నుంచి రచయితగా కొనసాగుతున్నారు. మొదట తన సోదరుడు దత్తాతో కలిసి కథా రచనలు చేస్తూ వచ్చారు. ఇక తనయుడు రాజమౌళి దర్శకుడిగా మారాక అన్ని సినిమాలకు విజయేంద్ర ప్రసాద్ కథలు అందిస్తూ వచ్చారు. మరి విజయేంద్రప్రసాద్ రాజ్యసభకు ఎంపిక అవ్వడంపై మీ అభిప్రాయాలను కామెంట్స్ లో తెలియజేయండి.
Shri V. Vijayendra Prasad Garu is associated with the creative world for decades. His works showcase India’s glorious culture and have made a mark globally. Congratulations to him for being nominated to the Rajya Sabha.
— Narendra Modi (@narendramodi) July 6, 2022
Shri Veerendra Heggade Ji is at the forefront of outstanding community service. I have had the opportunity to pray at the Dharmasthala Temple and also witness the great work he is doing in health, education and culture. He will certainly enrich Parliamentary proceedings. pic.twitter.com/tMTk0BD7Vf
— Narendra Modi (@narendramodi) July 6, 2022
The remarkable PT Usha Ji is an inspiration for every Indian. Her accomplishments in sports are widely known but equally commendable is her work to mentor budding athletes over the last several years. Congratulations to her on being nominated to the Rajya Sabha. @PTUshaOfficial pic.twitter.com/uHkXu52Bgc
— Narendra Modi (@narendramodi) July 6, 2022
The creative genius of @ilaiyaraaja Ji has enthralled people across generations. His works beautifully reflect many emotions. What is equally inspiring is his life journey- he rose from a humble background and achieved so much. Glad that he has been nominated to the Rajya Sabha. pic.twitter.com/VH6wedLByC
— Narendra Modi (@narendramodi) July 6, 2022
