తెలుగు ఇండస్ట్రీలో వరుస విజయాలతో దూసుకుపోయిన పూరి జగన్నాథ్ ఇటీవల పలు పరాజయాలు ఎదుర్కొనారు. ఆయన లాస్ట్ మూవీ విజయ్ దేవరకొండతో తెరకెక్కించిన లైగర్ మూవీతో భారీ డిజాస్టర్ పొందారు
తెలుగు సినిమా ఇండస్ట్రీలో తనకుంటూ ఓ ప్రత్యేకమైన స్థానం సంపాదించుకున్న డైరెక్టర్ పూరి జగన్నాథ్. హీరో ఎవరైనా సరే తన మార్క్ డైరెక్షన్ తో సినిమాను తెరకెక్కించి విజయ తీరాలవైపు తీసుకెల్లే సత్తా ఉన్న టాలీవుడ్ స్టార్ డైరెక్టర్ పూరి. మరి అటువంటి దర్శకుడి దగ్గర సినిమా చేయాలని కుర్రహీరోలందరి ఉంటుంది. తాజాగా సినీ ప్రియులకు పూరి కనెక్ట్స్ నుంచి ఓ అదిరిపోయే అప్డేట్ ను అందించారు. వివరాల్లోకి వెళితే..
గత కొంత కాలంగా వరుస పరాజయాలతో సతమతమవుతున్న పూరి జగన్నాథ్, రామ్ పోతినేని హీరోగా తెరకెక్కించిన ‘ఇస్మార్ట్ శంకర్’ మూవీతో భారీ విజయం అందుకున్నాడు. లైగర్ సినిమా పరాజయం తర్వాత పూరి జగన్నాథ్ తదుపరి చిత్రం ఏ హీరోతో ఉంటుందనేది ఎక్కడా వెల్లడికాలేదు. టాలీవుడ్ స్టార్ హీరోలు పూరితో సినిమాలు చేయడానికి అంగీకరిస్తారా లేదా అన్న సందిగ్ధంలో ఆకస్మాత్తుగా పూరి తన తదుపరి సినిమా ఎనర్జటిక్ హీరో రామ్ పోతినేనితోనే ఉంటుందని ఆఫీషియల్ గా ప్రకటించారు.
టాలీవుడ్ ఎనర్జటిక్ హీరో రామ్ పోతినేని, స్టార్ డైరెక్టర్ పూరి జగన్నాథ్ కాంబినేషన్ లో వచ్చిన ఇస్మార్ట్ శంకర్ సినిమా బ్లాక్ బస్టర్ అయ్యింది. 2019లో విడుదలకంటే ముందు హీరో రామ్, డైరెక్టర్ పూరి ఇద్దరు కూడా ప్లాప్స్ లోనే ఉన్నారు. 16 కోట్ల బడ్జెట్ తో రూపొందిన ఈ సినిమా 80 కోట్ల వరకు వసూళ్లు చేసి షాక్ ఇచ్చింది. పూరి మార్క్ డైలాగ్స్, రామ్ పోతినేని మేకోవర్, హీరోయిన్స్ గ్లామర్, మణిశర్మ అందించిన మ్యూజిక్ ఇవన్నీ కలగలిపి ఇస్మార్ట్ శంకర్ ను ఓ బ్లాక్ బస్టర్ గా మలిచాయి. ఈ సినిమాతో లవర్ బాయ్ గా ఉన్న రామ్ మాస్ హీరోగా మారిపోయాడు.
ఇంతటి బ్లాక్ బస్టర్ హిట్ ఇచ్చిన ఈ కాంబినేషన్ 4ఏళ్ల తరువాత మరోసారి తెరపై కనువిందు చేయబోతుంది. మే 15న రామ్ పోతినేని పుట్టిన రోజు సందర్భంగా పూరి-రామ్ కాంబినేషన్ లో రానున్న సినిమా ప్రకటించనున్నారు. ఇదే విషయమై పూరి కనెక్ట్స్ నుంచి అఫీషియల్ అనైన్స్ మెంట్ వచ్చేసింది. ఈ క్రేజీ కాంబినేషన్ కి సంబంధించిన మరిన్ని విషయాలతో దిమాఖ్ ఖరాబ్ అనౌన్స్ మెంట్ రేపు సాయంత్రం 4 గంటలకు ఉంటుందని ప్రకటించారు. మరి ఈ క్రేజీ కాంబినేషన్ లో ఇస్మార్ట్ శంకర్-2 వస్తుందా లేదా అనేది వేచి చూడాల్సిందే.
The combo that gave Ismart Blockbuster🔥
After 4 years, Ustaad @ramsayz & Sensational Director #PuriJagannadh join forces again❤️🔥
Produced by PuriJagannadh & @Charmmeofficial in @PuriConnects
A Dhimak Kharab Announcement Striking Tomorrow at 4PM 💥
Stay HYPED 🔱 pic.twitter.com/8CLJrNkx4Y
— Puri Connects (@PuriConnects) May 13, 2023
