Hyper Aadi: ఢీ డ్యాన్స్‌ షోలో బూతులతో రెచ్చిపోయిన హైపర్‌ ఆది!

ఈటీవీలో ప్రసారం అయ్యే ఢీ డ్యాన్స్‌ షోకు విపరీతమైన క్రేజ్‌ ఉంది. ఇప్పటికే 13 సీజన్‌లు విజయవంవతంగా పూర్తి చేసుకుంది. ప్రస్తుతం 14వ సీజన్‌ రన్‌ అవుతోంది. గతంలో ఢీ డ్యాన్స్‌ షోలో సుధీర్‌, రష్మి కనిపించేవారు. వీరితో పాటు ఆది, ప్రదీప్‌, శేఖర్‌ మాస్టర్‌ చేసే ఫన్నీ స్కిట్స్‌ చూడ్డానికి ప్రేక్షకులు ఆసక్తి కనబరిచేవారు. సుధీర్‌, రష్మి, ప్రదీప్‌, ఆది మధ్య జరిగే ఫన్నీ స్కిట్స్‌కు సంబంధించిన వీడియోలు లక్షల వ్యూస్‌ కొల్లగొట్టేవి. మరి ఈ సారి ఏమైందో తెలియదు కానీ.. సుధీర్‌, రష్మి ఢీ నుంచి తప్పుకున్నారు. ప్రస్తుతం ఆది, ప్రదీప్‌ ఉండగా.. మరో ఇద్దరు నవ్య స్వామి, బిగ్‌ బాస్‌ ఫేమ్‌ రవికృష్ణ ఢీలో కనిపిస్తున్నారు. అయితే గతంతో పోలీస్తే.. ఈ సారి ఢీ సీజన్‌ రేటింగ్స్‌ విషయంలో చాలా దారుణంగా పడిపోయిందనే టాక్‌ వినిపిస్తుంది. సుధీర్‌, రష్మి లేని లోటు స్పష్టంగా కనిపిస్తుంది.

ఇక షోలో సీనియర్‌గా ఉన్న ఆది.. కాస్త ఓవర్‌ యాక్షన్‌ చేస్తున్నాడనే టాక్‌ ఎప్పటి నుంచో బలంగా వినిపిస్తుంది. డబుల్‌ మీనింగ్‌ డైలాగ్‌లతో రెచ్చిపోయే ఆది.. ఈ సారి మరి శృతి మించి పోయాడు. డైరెక్ట్‌గా స్టేజీ మీదనే బూతులు యధేచ్చగా వాడటం మొదలు పెట్టాడు. జూన్‌ 15న ప్రసారం కాబోయే ఢీ షోకి సంబంధించిన ప్రోమోని తాజాగా విడుదల చేశారు. దీనిలో ఆది జడ్జీల ముందు.. స్టేజీ మీదే యధేచ్చగా బూతులు వాడాడు. ఇక జడ్జీలు ప్రియమణి, జానీ మాస్టర్‌ ఆ జోకులకు పడి పడి నవ్వడం విడ్డూరంగా ఉంది.

ఇది కూడా చదవండి: Hyper Aadi: ఆదీ చేసిన పనికి రష్మీ సీరియస్‌.. నువ్వు మనిషివా? పశువ్వా?

ఈ ప్రోమో చూసిన నెటిజనులు ఆదిని ఓ రేంజ్‌లో ఏకిపారుస్తున్నారు. ‘‘నీ దృష్టిలో కామెడీ అంటే బూతులేనా ఆది.. జబర్దస్త్‌, ఢీ వంటి షోలను కుటుంబ సమేతంగా చూడాలనే ఉద్దేశంతో ప్రారంభించారు. కానీ రాను రాను ఇవి బూతు షోలుగా మారిపోతున్నాయి. అక్రమ సంబంధాలు, అడ్డగోలు వ్యవహరాలు.. డబుల్‌ మీనింగ్‌ డైలాగ్‌లతో బూతు పురాణాలను బుల్లితెర మీద ప్రసారం చేస్తున్నారు. అప్‌కమింగ్‌ ఆర్టిస్ట్‌లంటే ఏదో అనుకోవచ్చు.. కానీ తన టాలెంట్‌తో ఎంతో గుర్తింపు తెచ్చుకోవడమే కాక.. నటుడిగా కూడా నిరూపించుకుంటున్న ఆది.. మరి ఇంతకు దిగజారిపోయి.. ఇలాంటి డబుల్‌ మీనింగ్‌ డైలాగ్‌లు వాడటం ఏంటని’’ ఓ రేంజ్‌లో ట్రోల్‌ చేస్తున్నారు నెటిజనులు. ఆఖరికి కామెడీ అంటే బూతు అనే స్థాయికి తీసుకువచ్చారని తీవ్రంగా మండిపడుతున్నారు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.

ఇది కూడా చదవండి: Hyper Aadi: హైపర్‌ ఆదికి షాకిచ్చిన పోలీసులు.. హిట్‌ అండ్‌ రన్‌ కేసులో అరెస్ట్‌!