పవన్ కళ్యాణ్ ‘హరిహర వీరమల్లు’ మూవీలో విలన్ గా బాలీవుడ్ హీరో..

క్రిష్ దర్శకత్వంలో పవన్ కళ్యాణ్ హీరోగా అత్యంత ప్రతిష్టాత్మకంగా తెరకెక్కుతున్న చిత్రం హరిహర వీరమల్లు. పవన్ కళ్యాణ్ సరసన నిధి అగర్వాల్ జతకడుతుండగా.. ఈ సినిమాలో విలన్ గా ప్రముఖ బాలీవుడ్ నటుడ్ని నటింపజేయనున్నారు. ఎ.ఎం. రత్నం సమర్పణలో మెగా సూర్య ప్రొడక్షన్స్ పతాకంపై భారీ స్థాయిలో పాన్ ఇండియా మూవీగా తెరకెక్కుతోంది. ఈ మూవీ తెలుగుతో పాటు, తమిళం, కన్నడ, మలయాళం, హిందీ భాషల్లో తెరకెక్కుతుంది. అత్యంత ప్రతిష్టాత్మకంగా తెరకెక్కుతున్న ఈ సినిమాలో విలన్ పాత్ర కోసం బాలీవుడ్ నటుడు, హీరో బాబీ డియోల్ నటిస్తున్నారు. బాబీ డియోల్ ఇవాళ ఈ చారిత్రాత్మక చిత్ర బృందంలో అధికారికంగా చేరిన విషయాన్ని చిత్ర యూనిట్ తెలిపింది.

మొఘల్ చక్రవర్తి ఔరంగజేబు పాత్రలో బాబీ డియోల్ నటిస్తున్నట్లు ప్రకటించారు. చిత్రీకరణలో పాల్గొనడానికి బాబీ డియోల్ హైదరాబాద్ వచ్చారని అన్నారు. కీలకమైన షెడ్యూల్ కోసం ప్రముఖ ఆర్ట్ డైరెక్టర్ తోట తరణి.. 17వ శతాబ్దానికి చెందిన భారీ దర్బార్ సెట్ ను రూపొందించారు. పవన్ కళ్యాణ్, బాబీ డియోల్ మధ్య కీలక సన్నివేశాలను ఈ దర్బార్ సెట్ లో చిత్రీకరిస్తున్నారు. సెట్ లో అడుగుపెట్టిన బాబీ డియోల్ కి చిత్ర యూనిట్ ఘన స్వాగతం పలికింది. దీనికి సంబంధించిన వీడియోను కూడా షేర్ చేసింది. ప్రస్తుతం ఈ వీడియో సోషల్ మీడియాలో వైరల్ అవుతోంది. మరి పాన్ ఇండియా మూవీలో బాలీవుడ్ నటుడు బాబీ డియోల్ నటిస్తుండడంపై మీ అభిప్రాయమేంటో కామెంట్ చేయండి.

We are elated to welcome one of the biggest action stars of Indian Cinema and an actor par excellence, @thedeol into our #HariHaraVeeraMallu world.

▶️ https://t.co/9kRUBEHAlS pic.twitter.com/A892gEGo01

— Mega Surya Production (@MegaSuryaProd) December 24, 2022