follow us:
టాలీవుడ్ నటసింహం నందమూరి బాలకృష్ణ.. ఓవైపు వరుస సినిమాలతో సినీ ప్రేక్షకులను, మరోవైపు ‘అన్ స్టాపబుల్ విత్ NBK’ టాక్ షోతో ఓటిటి ఆడియెన్స్ ని ఎంటర్టైన్ చేసేందుకు రెడీ అవుతున్నాడు. గతేడాది హీరోగా అఖండ మూవీ, అన్ స్టాపబుల్ షోతో హోస్ట్ గా విజయాలను అందుకున్న బాలయ్య.. ఇప్పుడు ఓటిటి వేదికపై మరోసారి హోస్ట్ గా సందడి చేయనున్నాడు. అన్ స్టాపబుల్ షో సెకండ్ సీజన్ తో రాబోతున్నట్లు ఇదివరకే ఆహా అధికారికంగా తేల్చేసింది. అలాగే దీనికి సంబంధించి ప్రమోషనల్ సాంగ్, రిలీజ్ ట్రైలర్ కూడా విడుదల చేశారు. అయితే.. ఈసారి రెండో సీజన్ ఇంకా గ్రాండ్ గా ప్లాన్ చేస్తున్నట్లు తెలుస్తుంది. అందుకే అన్ స్టాపబుల్ మొదటి ఎపిసోడ్ ని ఏకంగా నారా చంద్రబాబు నాయుడుతో మొదలు పెట్టనున్నారని వార్తలొచ్చాయి.
ఈ క్రమంలో కొద్దిరోజుల కిందటే షోలోకి చంద్రబాబు నాయుడు హాజరైనట్లు షూటింగ్ పిక్స్ బయటికి వచ్చాయి. కానీ.. చంద్రబాబు – బాలయ్యల కాంబినేషన్ ఎపిసోడ్ ఎప్పుడు రానుందోనని అంతా అనుకున్నారు. అయితే.. తాజాగా ఆహా వారు అధికారికంగా క్లారిటీ ఇచ్చేశారు. బాలయ్య – చంద్రబాబుల ఎపిసోడ్ తోనే అన్ స్టాపబుల్ సెకండ్ సీజన్ మొదలుకానుంది చెప్పేశారు. దీంతో ఫస్ట్ సీజన్ లోనే ఇండియా వైడ్ అద్భుతమైన రేటింగ్స్ సంపాదించుకున్న ఈ షో.. ఈసారి ఎలా అలరించనుందో ఫ్యాన్స్, ప్రేక్షకులలో అంచనాలు భారీగా నెలకొన్నాయి. అదీగాక బాలయ్య షోలో చంద్రబాబు నాయుడు అనగానే అందరిలోనూ ఎపిసోడ్ పై ఆసక్తి పెరిగిపోయింది.
ఎందుకంటే.. చంద్రబాబు నాయుడుని బాలయ్య హోస్ట్ చేయడం ఇదే మొదటిసారి. కాబట్టి.. వీరి ఎపిసోడ్ పై అంచనాలు పెరగడం అనేది మామూలే అనుకోవాలి. ఇక చంద్రబాబు గెస్ట్ గా అక్టోబర్ 14 నుండి షో మొదలు కానుంది. ఇదిలా ఉండగా.. షోలో చంద్రబాబుతో పాటు ఆయన తనయుడు, బాలయ్య అల్లుడు నారా లోకేష్ కూడా కనిపించనున్నట్లు వినికిడి. చూస్తుంటే.. ఆహా వారు షోని నెక్స్ట్ లెవెల్ కి తీసుకెళ్లేందుకు భారీ ప్లాన్ వేసినట్లు తెలుస్తుంది. ఇక బాలయ్య సినిమాల విషయానికి వస్తే.. ప్రస్తుతం గోపీచంద్ మలినేనితో ఓ సినిమా చేస్తున్నాడు. ఆ తర్వాత అనిల్ రావిపూడితో ఓ సినిమా లైనప్ చేశాడు. మరి అన్ స్టాపబుల్ బాలయ్య హోస్ట్ గా ఇప్పుడు ఎలాంటి వినోదాన్ని అందించనున్నాడో చూడాలి.
Let’s begin the show!🥁🥁🥁
Blockbuster show #UnstoppableWithNBK returns with Season 2, and who better than @ncbn garu to start with.
This one will be a sensational episode.🔥 Debbaku thinking maaripovaala🔥
From October 14th, only on aha! pic.twitter.com/DTVgdK9zdm— ahavideoin (@ahavideoIN) October 10, 2022
ప్రశ్నల్లో మరింత ఫైర్!
ఆటల్లో మరింత డేర్!!
సరదాల్లో మరింత సెటైర్!!!
మీకోసం… మరింత రంజుగా…Season 2 streaming from October 14th, every Friday on aha!
దెబ్బకు థింకింగ్ మారిపోవాలా!#UNSTOPPABLEWITHNBKS2 #NandamuriBalakrishna #ahaVideoIN #NBKOnAHA @PrasanthVarma @anudeepdev pic.twitter.com/jizLxWQzUK
— ahavideoin (@ahavideoIN) October 9, 2022
