సినీ ఇండస్ట్రీలోనే కాదు.. తెలుగు బుల్లితెరపై కూడా పెళ్లీడు వచ్చినా పెళ్లి చేసుకోకుండా ఉన్న సెలబ్రిటీ బ్యాచిలర్స్ కొందరు ఉన్నారు. అలాంటి వారిలో స్టార్ యాంకర్ ప్రదీప్ ఒకరు. దాదాపు దశాబ్దానికి పైగా బుల్లితెరపై యాంకర్ గా కొనసాగుతున్న ప్రదీప్.. హీరోలతో సమానమైన క్రేజ్ సంపాదించుకున్నాడు. కొన్నాళ్లుగా పెళ్లికి సంబంధించిన వార్తల్లో కూడా నిలుస్తున్నాడు. అయితే.. బుల్లితెరతో పాటు వెండితెరపై కూడా అడపాదడపా సినిమాలలో మెరిసిన ప్రదీప్.. గతేడాది ’30 రోజుల్లో ప్రేమించడం ఎలా’ అనే సినిమాతో హీరోగా తెరంగేట్రం చేశాడు. ఆ సినిమా బాక్సాఫీస్ వద్ద హిట్ అయినప్పటికీ, ఇంతవరకు సెకండ్ మూవీ మాత్రం ప్రకటించలేదు.
ఇక సినిమాలు, బుల్లితెర ప్రోగ్రామ్స్ మాత్రమే కాకుండా సినిమాలకు, సినిమా అవార్డులకు సంబంధించి బిగ్ ఈవెంట్స్ ని కూడా హోస్ట్ చేస్తుంటాడు ప్రదీప్. కెరీర్ పరంగా సూపర్ ఫామ్ లో ఉన్నప్పటికీ, పర్సనల్ లైఫ్ విషయానికి వస్తే.. ఎప్పుడెప్పుడు గుడ్ న్యూస్ చెబుతాడా అని ఎదురు చూస్తున్నారు ఫ్యాన్స్. అదీగాక.. ఈ మధ్యకాలంలో ప్రదీప్ ఏ షోలో.. ఏ ఈవెంట్ లో కనిపించినా అందరూ అడుగుతున్న ప్రశ్న పెళ్లి ఎప్పుడు?. దీనికి సమాధానం ఎలా చెప్పాలో తెలియక.. ఇంట్లో సంబంధాలు చూస్తున్నారని చెబుతూ వస్తున్నాడు. అయితే.. ఇప్పటివరకు ప్రదీప్ పెళ్లికి సంబంధించి ఎన్నో రూమర్స్ వింటూ వచ్చాము.
తాజాగా ప్రదీప్ పెళ్లికి సంబంధించి కొత్తగా మరో వార్త ఊపందుకుంది. అదీగాక ఈసారి ప్రదీప్ పెళ్లి చేసుకోబోయేది ఈ అమ్మాయినే అంటూ అమ్మాయి ఫోటో కూడా వైరల్ చేస్తున్నారు. మరి ఆ వివరాల్లోకి వెళ్తే.. యాంకర్ ప్రదీప్ కొంతకాలంగా ప్రముఖ ఫ్యాషన్ డిజైనర్ నవ్య మరౌతుతో డేటింగ్ లో ఉన్నాడని.. ఆల్రెడీ ఇరు కుటుంబ సభ్యులకు వీరి విషయం తెలిసి పెళ్లికి గ్రీన్ సిగ్నల్ కూడా ఇచ్చారని కథనాలు బలంగా వినిపిస్తున్నాయి. మరి ఇందులో ఎంతవరకు నిజముందో తెలియదు గానీ, ప్రదీప్ పెళ్లి గురించి వార్తలు మాత్రం గట్టిగానే ట్రెండ్ అవుతున్నాయి. మరి యాంకర్ ప్రదీప్ పెళ్లి గురించి మీ అభిప్రాయాలు కామెంట్స్ లో తెలియజేయండి.
View this post on Instagram
View this post on Instagram
