‘ఆర్ఆర్ఆర్’ గ్లింప్స్ విడుదల.. ట్విట్టర్ లో బన్నీ ప్రశంసలు

ప్రముఖ డైరెక్టర్ రాజమౌళి దర్శకత్వంలో తెరకెక్కుతున్న భారీ పాన్ ఇండియా చిత్రం ‘ఆర్ఆర్ఆర్’. ప్రపంచ వ్యాప్తంగా ఎన్నో అంచనాలు నెలకొన్న ఈ సినిమాకు డీ.వీ.వీ దానయ్య నిర్మాణ బాధ్యతలు చేపట్టగా ఎం.ఎం కీరవాణి సంగీతం అందిస్తున్నారు. ఇక టాలీవుడ్ స్టార్ హీరోలైన మెగా పవర్ స్టార్ రామ్ చరణ్, యంగ్ టైగర్ యన్టీఆర్ నటిస్తున్న విషయం తెలిసిందే. ఇక వీరితో పాటు బాలీవుడ్ హీరో అజయ్ దేవగణ్, ఆలియా భట్ నటిస్తుండటంతో సినిమాపై అంచనాలు మరింత పెరిగాయి.

అయితే ఇక విషయం ఏంటంటే..? తాజాగా ఈ మూవీ నుంచి విడుదలైన గ్లింప్స్ యూట్యూబ్ ను షేక్ చేస్తోంది. రాజమౌళి మార్క్ చెక్కుచెదరకుండా బాహుబలిని మించిన స్థాయిలో సినిమా ఉండనుందని తాజాగా విడుదలైన గ్లింప్స్ చూస్తే అర్థమవుతోంది. ఇక అద్భుతమైన బ్యాక్ గ్రౌండ్ స్కోర్ తో రాజమౌళి ఈ గ్లింప్స్ ను రూపొందించారు. అయితే ఈ గ్లింప్స్ ను చూసిన టాలీవుడ్ హీరోస్ కొందరు రాజమౌళికి శుభాకాంక్షలు తెలుపుతున్నారు.

ఇక తాజాగా అల్లు అర్జున్ కూడా ఈ గ్లింప్స్ ను చూస్తూ ట్విట్టర్ లో ప్రశంసలు కురిపించారు. “రాజమౌళి గారూ మీరు భారతీయ చిత్రపరిశ్రమకు గర్వకారణం అంటూ బన్నీ కొనియాడారు. “మైండ్ బ్లోయింగ్!… నా బ్రదర్ రామ్ చరణ్, నా బావ తారక్ కలిసి పవర్ ప్యాక్ షో అందించారు. అజయ్ దేవగణ్ కు, అలియా భట్ కు, యావత్ తారాగణం, సాంకేతిక నిపుణుల బృందానికి శుభాకాంక్షలు” అంటూ అల్లు అర్జున్ ట్వీట్ చేశారు.

What a mind blowing glimpse of #RRR . @ssrajamouli garu you the pride of Indian Cinema . My brother @AlwaysRamCharan & my Bava @tarak9999 Power Pack show . Congratulations to @ajaydevgn garu , dear @aliaa08 and the entire cast & Crew . Watch it now 🖤 https://t.co/RPH8dVyo2t

— Allu Arjun (@alluarjun) November 1, 2021