follow us:
ప్రపంచాన్ని గడ గడలాడించిన కరోనా మహమ్మారి బాధలు ఇంకా కొనసాగుతూనే ఉన్నాయి. మన దేశంలో కరోనా ప్రభావం ఎంతో దారుణంగా చూపించింది. కరోనా వైరస్ సామాన్యుల నుంచి సెలబ్రెటీల వరకు ఎవరినీ వదలలేదు. స్టార్ హీరో, హీరోయిన్లు, దర్శకులు కరోనా భారిన పడి విల విలలాడారు. ఒకదశలో ఎంటర్ టైన్ మెంట్ రంగం కుదేలైందనే చెప్పొచ్చు. బాలీవుడ్ యాక్షన్ హీరో అక్షయ్ కుమార్ కరోనా భారిన పడ్డారు.. ఇది ఆయనకు రెండవసారి రావడం. దీంతో ఆయన ఈ నెల 17 న జరిగే కేన్స్ ఫిలిం ఫెస్టివల్‌కు దూరమైనట్టు ఆవేదన వ్యక్తం చేశాడు.
ఈ సందర్భంగా అక్షయ్ కుమార్ ట్వీట్ చేస్తూ.. తాను కేన్స్ ఫెస్టివల్ ప్రోగ్రామ్ కి వెళ్లాలని ఎంతో ఆసక్తిగా ఉన్న సమయంలో కరోనా సోకిందని, దీంతో విశ్రాంతి తీసుకుంటున్నానని రాసుకొచ్చాడు. తాను వెళ్లకున్నా కేన్స్ ఫెస్టివల్ ప్రోగ్రామ్ వెళ్తున్న భారత బృందానికి శుభాకాంక్షలు తెలిపాడు. ఇటీవల తనకు `కేన్స్ 2022` చలన చిత్రోత్సవ వేడుకలో పాల్గొనేందుకు ఆహ్వానం వచ్చిందని అన్నారు. ఈ నేపథ్యంలో తాను కోవిడ్ టెస్ట్ చేసుకోగా.. పాజిటీవ్ వచ్చిందని అందుకే తాను వెళ్లలేక పోతున్నానని తెలిపారు.
ఇటీవల బాలీవుడ్ లో వరుస సినిమాలు చేస్తూ వస్తున్నాడు అక్షయ్ కుమార్. ఈ నేపథ్యంలో ఆయన యష్ రాజ్ ఫిల్మ్స్ పిరియడ్ డ్రామ్ ‘పృథ్వీరాజ్’ సినిమాతో ప్రేక్షకుల ముందుకు రాబోతున్నాడు. ఇటీవల తనను కలిసిన అందరూ కరోనా పరీక్షలు చేయించుకుని అవసరమైన చర్యలు తీసుకోవాలని కోరాడు. కోలుకుని త్వరలోనే మీ ముందుకు వస్తానని పేర్కొన్నాడు.
Was really looking forward to rooting for our cinema at the India Pavilion at #Cannes2022, but have sadly tested positive for Covid. Will rest it out. Loads of best wishes to you and your entire team, @ianuragthakur. Will really miss being there.
— Akshay Kumar (@akshaykumar) May 14, 2022
