భర్తకు దూరంగా నటి స్నేహ..! కారణం?

ఇండస్ట్రీలో కొంతమంది హీరోయిన్లు ఏమాత్రం గ్లామర్ షో చేయకుండా తమ నటనతో ప్రేక్షకుల అభిమానం పొందారు. అలాంటి నటీమణుల్లో ఒకరు స్నేహ. తెలుగు లో దాదాపు అందరు స్టార్ హీరోల సరసన నటించి మెప్పించింది. స్నేహ  అచ్చమైన తెలుగింటి అమ్మాయిలా కనిపిస్తుంది. ఎలాంటి ఎక్స్ పోజింగ్ చేయకుండా హూమ్లీ బ్యూటీ గా ప్రేక్షకుల మనసు దోచింది. ఆ మద్య ఇండస్ట్రీకి దూరంగా ఉంటూ వచ్చిన స్నేహ.. బోయపాటి శ్రీనివాస్ దర్శకత్వంలో రామ్ చరణ్ నటించిన ‘వినయ విధేయ రామా’చిత్రంతో సెకండ్ ఇన్నింగ్స్ ప్రారంభించింది.

సినీ ఇండస్ట్రీలో ఎలాంటి ఎక్స్ పోజింగ్ లేకుండా కేవలం తమ నటనతో మెప్పించిన సుహాసిని, సౌందర్య మరికొంత మంది నటీమణులు బాటలో నడిచింది స్నేహ.  కుటుంబ నేపథ్యంలో ఉండే చిత్రాల్లో ఎక్కువగా నటించింది స్నేహ.. అందుకే ఫ్యామిలీ ఆడియన్స్ కి బాగా కనెక్ట్ అయ్యింది. స్నేహ కుటుంబం దుబాయ్ లో ఉండగా మాలీవుడ్ డైరెక్టర్ పాజిల్ ఆమెతో ‘ఎంగెనా ఒరు నీల పక్షి’ తెరకెక్కించాడు.. కానీ ఈ చిత్రం పెద్దగా హిట్ కాలేదు. ఆ తర్వాత 2002లో ప్రశాంత్ హీరోగా ‘విరంబగిరెన్’ చిత్రంతో మంచి విజయం అందుకుంది. ఆ తర్వాత స్నేహకు తెలుగు, తమిళ, మలయాళ ఇండస్ట్రీలో వరుస ఛాన్సులు వచ్చాయి. గోపిచంద్ నటించిన ‘తొలివలపు’ చిత్రంతో తెలుగు తెరకు పరిచయం అయ్యింది.

తన సహ నటుడు ప్రసన్న కుమార్‌ తో కొంత కాలం ప్రేమాయణం కొనసాగించిన స్నేహ.. 11 మే 2012 న చెన్నైలో పెద్దల సమక్షంలో వివాహం చేసుకున్నారు. సినీ ఇండస్ట్రీలో బెస్ట్ కపుల్స్ గా ఫ్యాన్స్, సినీ సెలబ్రెటీల మన్ననలు పొందారు. ఏ ఈవెంట్ కి వెళ్లిన ప్రసన్న-స్నేహ ఇద్దరు కలిసి వెళ్లేవారు. ఈ జంటకు ఇద్దరు సంతానం. సోషల్ మీడియాలో యాక్టీవ్ గా ఉండే స్నేహ తన భర్త, పిల్లలకు సంబంధించిన ఫోటోలు, వీడియోలు ఫ్యాన్స్ కి షేర్ చేస్తుంది. అలాంటిది తాజాగా స్నేహ కు సంబంధించిన ఒక షాకింగ్ వార్త నెట్టింట చక్కర్లు కొడుతుంది. స్నేహకు తన భర్త ప్రసన్నతో విభేదాలు రావడంతో దూరంగా పిల్లలతో కలిసి ఉంటున్నట్లు ఆ వార్తల సారాంశం.

స్నేహ తన భర్త ప్రసన్న కుమార్ కి దూరంగా ఉంటున్నట్లుగా.. ఇటీవల వీరి మద్య కొన్ని విషయాల్లో మనస్పర్థలు వచ్చాయని.. అందుకే ఆమె తన పిల్లలతో కలిసి వేరుగా ఉంటున్నట్లు తమిళ మీడియాలో వార్తా కథనాలు గుప్పుమంటున్నాయి. ఫ్యామిలీ గొడవల కారణంగానే ఆమె భర్తకు దూరంగా ఉండొచ్చని కొంతమంది ఫ్యాన్స్ భావిస్తున్నారు. సాధారణంగా సినీ ఇండస్ట్రీలో ప్రేమించి పెళ్లి చేసుకున్న జంటలు చిన్న చిన్న గొడవల కారణంగా విడిపోతున్న విషయం తెలిసిందే. మరి ఈ జంటపై వస్తున్న వార్తలు నిజమా? కాదా? అన్న విషయంపై ఎలాంటి స్పష్టత రాలేదు.. మరి ఈ వార్తలపై ఎవరైనా స్పందిస్తారేమో చూడాలి.