డ్రగ్స్ కేసు.. పోలీసుల అదుపులో స్టార్ హీరోయిన్ సోదరుడు!

గత కొంత కాలంగా సినీ రంగాన్ని డ్రగ్స్ కేసులు వదలడం లేదు. చాలా మంది సినీ ప్రముఖులు, వాళ్లతో సంబంధం ఉన్న వాళ్లు తరచూ నిషేదిత డ్రగ్స్ వాడుతూ పోలీసులకు అడ్డంగా దొరికిపోతున్నారు. తాజాగా మరో స్టార్ హీరోయిన్ సోదరుడు డ్రగ్స్ సేవిస్తూ.. పట్టుబడటం.. ఇప్పుడు ఇండస్ట్రీలో హాట్ టాపిక్‌గా మారింది. ఒకప్పుడు బాలీవుడ్ లో విలన్ గా పేరు తెచ్చుకున్న శక్తి కపూర్ తనయుడు, శ్రద్దా కపూర్ సోదరుడు సిద్దార్థ కపూర్ పోలీసులకు దొరికిపోయాడు. సిద్దార్థ కపూర్ డ్రగ్స్ వాడినట్లుగా బెంగళూరు పోలీసులు ఆదివారం రాత్రి అదుపులోకి తీసుకున్నారు.

పక్కా సమాచారంతో పోలీసులు ఎంజీ రోడ్డులోని ఓ హోటల్‌పై దాడి చేశారు.  ఈ క్రమంలో సిద్ధార్థ కపూర్ ని పోలీసులు అదుపులోకి తీసుకున్నారు. ఇతడితో పాటు మరో ఐదుగురిని అరెస్ట్​ చేసినట్లు తెలిసింది. అనంతరం వీరిని పోలీసులు రక్త పరీక్షలు నిర్వహించగా.. వీళ్లంతా డ్రగ్స్ తీసుకున్నట్లు తేలిందని సమాచారం. సిద్దార్థతో అతనితో వచ్చిన వాళ్లంతా బయట డ్రగ్స్ తీసుకున్నారా? లేదా పార్టీకి వచ్చిన తర్వాత తీసుకున్నారా అన్న విషయంపై పోలీసులు విచారణ చేస్తున్నారు.

ఇదీ చదవండి: విద్యార్థులకు ఆర్టీసీ షాక్.. భారీగా పెరిగిన బస్ పాస్ ఛార్జీలు!

తండ్రి వారసుడిగా సినీ రంగ ప్రవేశం చేసిన సిద్దార్ధ పెద్దగా పేరు తెచ్చుకోలేకపోయాడు. ఆ మద్య బౌకల్ వెబ్ సీరీస్ లో సిద్దార్థ కపూర్ నటించిన పాత్రకు మంచి పేరు వచ్చింది. అంతేకాదు.. అగ్లీ, హసీనా పర్కార్ లాంటి మూవీస్ లో కూడా నటించాడు. అలాగే ధోల్, చుప్ చుప్ లాంటి కొన్ని సినిమాలకు సహాయ దర్శకుడిగా పనిచేశాడు. ఏది ఏమైనా ఈ మద్య సెలబ్రెటీలు డ్రగ్స్ తీసుకుంటూ పోలీసులకు అడ్డంగా బుక్ కావడం కామన్ అయ్యింది. ఈ విషయంపై మీ అభిప్రాయాలు కామెంట్స్ రూపంలో తెలియజేయండి.

Karnataka | Actor Shraddha Kapoor’s brother Siddhanth Kapoor detained during police raid at a rave party in a Bengaluru hotel, last night. He is among the 6 people allegedly found to have consumed drugs: Bengaluru Police pic.twitter.com/UuHZKMzUH0

— ANI (@ANI) June 13, 2022